კორონავირუსის საწინააღმდეგო რუსული ვაქცინა “სპუტნიკ V”-ის პირველ ნიმუშებს უნგრეთი მიმდინარე კვირაში მიიღებს, _ განაცხადა რუსეთის მრეწველობისა და ვაჭრობის მინისტრმა დენის მანტუროვმა უნგრეთის საგარეო საქმეთა მინისტრ პეტერ სიიარტოსთან მოლაპარაკებების გამართვის შემდეგ.
შეხვედრის მთავარი თემა იყო რუსეთის მიერ შექმნილი ვაქცინის მიწოდების, აგრეთვე, მისი ერთობლივი წარმოების ორგანიზება უნგრეთში. უნგრეთს სურს, რაც შეიძლება მალე შეისყიდოს რუსული ვაქცინა “სპუტნიკ V”, აგრეთვე, დაიწყოს მისი წარმოება.
ამასთანავე, 13 ნოემბერს ცნობილი შეიქნა, რომ სამხრეთკორეულმა კომპანია CL Alpha-მ ხელშეკრულება გააფორმა რუსეთთან 150 მლნ დოზა კორონავირუსის საწინააღმდეგო ვაქცინა “სპუტნიკ V”-ის წარმოებაზე.
russian.rt.com–ზე გამოქვეყნებული მასალის მიხედვით მოამზადა ლუკა მაისურაძემ
