მთავარი საქართველო რომელ სუნელებში აღმოჩნდა ნორმაზე მეტი ტყვია

რომელ სუნელებში აღმოჩნდა ნორმაზე მეტი ტყვია

241
გააზიარეთ
რომელ სუნელებში აღმოჩნდა ნორმაზე მეტი ტყვია

სუნელების 93 ნიმუშიდან ტყვიის შემცველობა წელს სამ ნიმუშში გამოვლინდა. სურსათის ეროვნული სააგენტო იმ სუნელების სახელწოდებებსაც აკონკრეტებს, რომლებშიც ტყვია დასაშვებ ნორმაზე მაღალია. ინფორმაციას 1ტვ.გე ავრცელებს.

ტყვიის დასაშვებზე მაღალი შემცველობა აღმოჩნდა:

* “ჯეო”-ს წარმოებულ წითელ წიწაკაში (ახალციხე, დამფასოებელი და რეალიზატორი შპს გურამ მათოშვილი, ტყვია ნორმას 10-ჯერ აჭარბებდა);

* ინდმეწარმე “ჩოფლიანის” მიერ წარმოებულ სვანურ მარილში (ბათუმი, რეალიზატორი შპს “ტარიელი”, ნორმას თითქმის 2-ჯერ გადაჭარბებდა);

* “აი პროდაქტ”-ის მიერ დამზადებულ ხმელ სუნელში (გადაჭარბება 4-ჯერ).

სამივე შემთხვევაში სუნელების პარტიები, რომლებშიც ტყვია აღმოჩნდა, განადგურდა, საწარმოებზე კი, დარღვევების პრევენციის მიზნით, ზედამხედველობა მიმდინარეობს. მოქმედი კანონმდებლობით, ტყვიის შემცველობა სანელებლებში 5 მილიგრამს არ უნდა აღემატებოდეს კილოგრამში.

2018 წლის 7 თებერვალს ცნობილი შეიქნა, რომ საქართველოს მთავრობის დადგენილებით, სუნელებისა და სანელებლების წარმოება-გადამუშავებასა და ბაზარზე განთავსების თაობაზე რისკის მართვის დროებითი ზომები გატარდება.

გააზიარეთ

დატოვეთ კომენტარი

Please enter your comment!
Please enter your name here