რუსეთის კონსტიტუციაში ცვლილებების კომენტირებისას რუსეთის საგარეო საქმეთა მინისტრის მოვალეობის შემსრულებელმა სერგეი ლავროვმა აღნიშნა, რომ ეროვნული კონსტიტუციის პრიორიტეტი საერთაშორისო სამართლის ნორმებზე უნიკალური ვითარება არ არის, მსგავსი ნორმები დასავლეთის ბევრ ქვეყანაში მოქმედებს.
“ეს არ არის რაღაც უნიკალური ვითარება, მსგავსი სამართლებრივი ნორმები მოქმედებს დასავლეთის ქვეყნებშიც, კერძოდ, ეს საერთაშორისო სამართალი პრიორიტეტული არ არის, და ისინი ამ სამართალს პრაქტიკაშიც ასე იყენებენ. თქვენს ყურადღებას მივაპყრობ იმას, რომ ქვეყნისთვის საერთაშორისო ვალდებულებები წარმოიქმნება რატიფიკაციის შემდეგ ან სხვა შეთანხმებით. რატიფიკაცია ფორმდება ფედერალური კანონით. კანონები უნდა შეესაბამებოდეს კონსტიტუციას”, _ განაცხადა ლავროვმა.
