ისინი, ვინც ამერიკაში მაღაზიებს ძარცვავს, დამნაშავეები არიან, საქართველოში კი ხაზინის ქურდი და პარლამენტის შენობაში შეჭრის მსურველები _ პოლიტპატიმრები?

ამერიკელმა კონგრესმენმა ადამ კინზინგერმა, რომელმაც რამდენიმე დღის წინათ საქართველოს ხელისუფლებას სისხლის სამართლის დანაშაულებში ბრალდებულთა _ ირაკლი ოქრუაშვილის, გიგი უგულავასა და გიორგი რურუას _ გათავისუფლება მოსთხოვა და ისინი პოლიტპატიმრებად შერაცხა, გამოეხმაურა აშშ–ში მიმდინარე საპროტესტო აქციებს, რომლებიც მინეაპოლისში ჯორჯ ფლოიდის გარდაცვალებამ გამოიწვია პოლიციის მიერ დაკავებისას.

საპროტესტო აქციის მონაწილეებმა დაარბიეს და გაძარცვეს მაღაზიები დაჭრეს 50 საიდუმლო სამსახურის აგენტი, პოლიციელები. გაანადგურეს ლინკოლნის მემორიალი, დაწვეს ეკლესია, ამერიკის დროშები.

“პროტესტის უფლება არ ვრცელდება ძეგლების განადგურებაზე, ისტორიული შენობების დაწვაზე, ძარცვასა და საწარმოების განადგურებაზე. ეს ამაზრზენი, ძალადობრივი არეულობა ახშობს რეალურ საკითხებს, რომლებიც გადასაჭრელია. ჩვენ გვჭირდება ლიდერობა და წესრიგი უნდა აღდგეს, ახლავე”, _ დაწერა კინზინგერმა სოციალურ ქსელში.

ეს არის ორმაგი სტანდარტით მიდგომა, რომელიც ამერიკელებს ახასიათებთ: ისინი, ვინც ამერიკაში არბევს და ძარცვავს მაღაზიებს, დამნაშავეები არიან, საქართველოში კი ხაზინის ქურდი და პარლამენტის შენობაში შეჭრის მსურველები _ თურმე, პოლიტპატიმრები?