აშშ–ის პრეზიდენტ დონალდ ტრამპის ქალიშვილს იტალიის დედაქალაქ რომის წმინდა ეგნატეს სახელობის კაფეში სტუმრობისას კურიოზი შეემთხვა. ივანკა ტრამპმა რომის საფეხბურთო კლუბ “ლაციოს” ფორვარდის, ჯორჯო კინალიას, ფოტო წმინდანის გამოსახულებად მიიჩნია.
ამერიკის პრეზიდენტის ქალიშვილმა დაწესებულების მფლობელს ჰკითხა, რომელი წმინდანი იყო გამოსახული ფოტოზე. “ეს წმინდანი არ არის, ეს “ლაციოს” ლეგენდარული ფეხბურთელია”, _ აუხსნა კაფეს მფლობელმა ივანკა ტრამპს.
ჯორჯო კინალია (1947-2012) “ლაციოს” ღირსებას 1969-1976 წლებში იცავდა. 263 თამაშში გაიტანა 140 გოლი, იყო იტალიის ნაკრების წევრი, 1976 წლიდან თამაშობდა ამერიკის საფეხბურთო ჩემპიონატში და ნიუ-იორკის “კოსმოსის” მაისურით გამოდიოდა.
