მთავარი მსოფლიო ზელენსკიმ დონბასის საკითხზე რეფერენდუმის ჩატარება არ გამორიცხა

ზელენსკიმ დონბასის საკითხზე რეფერენდუმის ჩატარება არ გამორიცხა

41
გააზიარეთ

უკრაინის პრეზიდენტმა ვლადიმერ ზელენსკიმ არ გამორიცხა სახელმწიფოებრივი რეფერენდუმის ჩატარება დონბასის საკითხზე.

“აქ ლაპარაკი არ არის სტატუსზე. ეს შეიძლება მოხდეს დონბასის მიმართ, ყირიმის მიმართ, ცეცხლის შეწყვეტის მიმართ”, _ განაცხადა უკრაინის ლიდერმა ტელეარხ “1+1”-ისთვის მიცემულ ინტერვიუში.

ზელენსკიმ, აგრეთვე, დაუშვა რუსეთის პრეზიდენტთან პირდაპირი მოლაპარაკებების ფორმატი უკრაინის აღმოსავლეთში კონფლიქტის მოგვარების საკითხზე. ზელენსკის თქმით, უკრაინის ევროპელი და ამერიკელი პარტნიორები მხარს უჭერენ ამ მიმართულებას. უკრაინის პრეზიდენტმა დააზუსტა, რომ აშშ-ის პრეზიდენტ ჯო ბაიდენს ცოტა ხნის წინათ გამართულ სატელეფონო საუბარში არ შეუთავაზებია კიევის კონტროლიდან გამოსული დონბასის წარმომადგენლებთან პირდაპირი კონტაქტი _ ამის შესახებ ლაპარაკი არ ყოფილა. მე მივიღე მესიჯი ამერიკის შეერთებული შტატების პრეზიდენტისგან: რუსეთმა დაარწმუნა აშშ და მსოფლიო, რომ არ აპირებს ესკალაციას ჩვენი დამოუკიდებელი ტერიტორიის მიმართ. ვფიქრობ, ეს არის არა საბოლოო, მაგრამ მნიშვნელოვანი, ძალიან მნიშვნელოვანი შედეგი. კომპრომისებზე ჩვენ არ გვისაუბრია, ჩვენ ვისაუბრეთ იმაზე, რომ აშშ-ის წყალობით გაგვიჩნდება კიდევ ერთი მოედანი რუსეთთან მოლაპარაკებების გასამართავად”, _ განაცხადა ვლადიმერ ზელენსკიმ.

უკრაინისა და აშშ-ის პრეზიდენტების სატელეფონო საუბარი ვლადიმერ პუტინისა და ჯო ბაიდენის ვიდეოკონფერენციიდან ორი დღის შემდეგ გაიმართა.

ria.ruზე გამოქვეყნებული მასალის მიხედვით მოამზადა

ნიკა კორინთელმა

გააზიარეთ

დატოვეთ კომენტარი

Please enter your comment!
Please enter your name here