უკრაინის ყოფილმა პრეზიდენტმა ვიქტორ იუშენკომ შეიძლება საპრეზიდენტო არჩევნებში მონაწილეობა კვლავ მიიღოს.
ამის შესახებ მან “ფეისბუქის“ პირად გვერდზე დაწერა.
„თავმდაბალი არ ვიქნები და ვიტყვი, რომ უკრაინას პრეზიდენტ იუშჩენკოს პოლიტიკური კურსი სჭირდება. მე არ მომიწერია ხელი მოღალატეობრივ ხელშეკრულებაზე გაზთან დაკავშირებით, არ ჩამიბარებია ყირიმი, არ ჩამიბარებია აღმოსავლეთ დონბასი. მე უკრაინას პატიოსნად ვემსახურე “, – დაწერა იუშჩენკომ.
ვიქტორ იუშჩენკო უკრაინის პრეზიდენტი 2005-2010 წლებში იყო. საპრეზიდენტო არჩევნები უკრაინაში 2019 წელს გაიმართება.
