“ევროკავშირის ქვეყნებს არ სურთ, ახალი პრობლემები შეექმნათ უკრაინის გამო”, _ მიაჩნია უკრაინაში ლატვიის ელჩ იურის პოიკანსს. დიპლომატის თქმით, ევროკავშირის წევრობა ითვალისწინებს თანხმობას თანამეგობრობის 27 წევრი ქვეყნისა, რომლებსაც განსხვავებული თვალსაზრისი აქვთ უკრაინის მიმართ და მათი ნაწილი ევროკავშირის გაფართოების საფუძველს ვერ ხედავს.
“სანამ თანხმობა არ იქნება, ძნელია ლაპარაკი ევროკავშირში მიღების ვადებზე”, _ აღნიშნა პოიკანსმა.
უკრაინაში ლატვიის დიპლომატიური მისიის ხელმძღვანელმა დააზუსტა, რომ ევროპულ თანამეგობრობაში ახალი წევრების მიღების მოწინააღმდეგე ქვეყნებს სურთ, ევროკავშირში ისეთი სახელმწიფოები იხილონ, “რომლებიც უკვე მზად არიან ინტეგრაციისთვის. არავის სურს ახალი პრობლემები მიიღოს”, _ დასძინა ლატვიელმა დიპლომატმა.
Russian.rt.com–ზე გამოქვეყნებული მასალის
მიხედვით მოამზადა ლუკა მაისურაძემ