აშშ–ის პრეზიდენტმა დონალდ ტრამპმა რამდენიმე დღის წინათ ხელი მოაწერა განკარგულებას, რომლის მიხედვით, იუსტიციისა და შიდა უსაფრთხოების სამინისტროები უარს ეტყვიან თავშესაფრის მინიჭების საკითხის განხილვაზე იმ პირებს, რომლებმაც ამერიკის საზღვარი არალეგალურად გადაკვეთეს; ასეთ ადამიანებს დადგენილ საგუშაგოებზე გადაიყვანენ.
“ჩვენ გვსურს, ადამიანები ჩვენს ქვეყანაში მოდიოდნენ, მაგრამ მხოლოდ კანონიერ საფუძველზე”, _ განაცხადა დონალდ ტრამპმა თეთრ სახლში ჟურნალისტებთან საუბრისას.
ცნობილია, რომ გასულ კვირას, ამერიკის პრეზიდენტის განკარგულებით, მექსიკის საზღვართან ამერიკელ სამხედროთა რაოდენობა 15 ათასამდე გაიზარდა, რათა შეჩერდეს დიდი რაოდენობით მიგრანტების შესვლა ქვეყანაში.
