რუსეთის პრეზიდენტ ვლადიმერ პუტინისა და მისი ამერიკელი კოლეგის _ დონალდ ტრამპის პირველი პირისპირ შეხვედრა 7 ივლისს ჰამბურგში, “დიდი ოცეულის” სამიტის ფარგლებში გაიმართება, _ განაცხადა რუსეთის პრეზიდენტის თანაშემწემ საგარეო პოლიტიკურ საკითხებში იური უშაკოვმა.
როგორც რუსეთის პრეზიდენტის თანაშემწემ აღნიშნა, შეხვედრაზე ორი ქვეყნის ლიდერები განიხილავენ საერთაშორისო ტერორიზმთან ბრძოლის საკითხს, აგრეთვე, სირიასა და უკრაინაში შექმნილ ვითარებას.
ეს ინფორმაცია მოგვიანებით თეთრმა სახლმაც დაადასტურა.
2017 წლის დასაწყისიდან დღემდე დონალდ ტრამპმა და ვლადიმერ პუტინმა სამჯერ გამართეს სატელეფონო საუბარი.
