ბავშვთა დაცვის საქველმოქმედო ორგანიზაცია NSPCC–ის წარმომადგენელთა განცხადებით, ხშირად იღებენ ინფორმაციას, რომ შავგვრემანი და შავკანიანი ბავშვები ცდილობენ, კანი გაითეთრონ, რათა ისე არ გამოიყურებოდნენ, როგორც “ჭუჭყიანი”; აზიელი ბავშვები კი იყენებენ ტუშს, რათა მათი თვალები ევროპელთა თვალებს დაემგვანოს. ეს ყველაფერი ხდება იმიტომ, რომ სკოლებში დასცინიან მათ ეროვნების გამო, _ იუწყება ტელეარხი “ბანქოს სახლი: ევროპა”.
“ბოლო ორი წლის განმავლობაში დიდ ბრიტანეთში ბავშვების მიმართ რეგისტრირებული იყო 10 571 დანაშაული რასობრივ ნიადაგზე, საშუალოდ 29 დანაშაული დღეში”, _ განაცხადეს NSPCC-ის წარმომადგენლებმა, ბრიტანეთის პოლიციის მონაცემებზე დაყრდნობით.
“ეს სულისშემძვრელი მოვლენაა, როცა ბავშვი გეუბნებათ, რომ სურს, სხვანაირად გამოიყურებოდეს. ამ ბავშვებს აიძულებენ, თავი დამნაშავედ იგრძნონ (ეროვნების გამო) და ზოგჯერ მალავენ ამას მშობლებისგან, რადგან არ სურთ მათი შეწუხება ან განაწყენება”, _ განაცხადა ორგანიზაციის ერთ-ერთმა წარმომადგენელმა.