აშშ–ის ახალმა ელჩმა რუსეთში ჯონ სალივანმა მოსკოვში 9 მაისს დაგეგმილ გამარჯვების აღსანიშნავ ზეიმზე აშშ–ის სპეციალური დელეგაციის ჩასვლის შესახებ ილაპარაკა.
“თუ 9 მაისის ღონისძიება გაიმართება რუსეთის მთავრობის თავდაპირველი გეგმით, მას აშშ-ის წარმომადგენლობითი დელეგაცია დაესწრება. ჩვენ ძალიან სერიოზულად და პასუხისმგებლობით ვეკიდებით 75 წლის წინათ მომხდარის შესახებ ხსოვნას _ მოკავშირეების გამარჯვებას ნაცისტურ გერმანიასა და იაპონიაზე. ეს ძალიან მნიშვნელოვანი წლისთავია”, _ აღნიშნა აშშ-ის ელჩმა.
