რუსეთის პრეზიდენტმა ვლადიმერ პუტინმა მოხელეებს დაავალა, იზრუნონ ახალგაზრდობის სულიერ და ზნეობრივ აღზრდაზე. მასწავლებლებისა და აღმზრდელების წახალისების გარდა, ხელისუფლებას გადაწყვეტილი აქვს, ჩამოაყალიბოს ახალგაზრდობისათვის საინტერესო თემების ინტერნეტში გავრცელების “საკოორდინაციო ცენტრი”.
პუტინმა, აგრეთვე, დაავალა, გამოიკვლიონ გლობალური ქსელის რუსეთის სეგმენტში მომავალი თაობის სამომხმარებლო უპირატესობანი, ქცევის თავისებურებანი. დოკუმენტში მითითებულია, რომ ამ გადაწყვეტილების მიზანია სახელმწიფო ორგანოების ინფორმირება, თუ როგორ მოქმედებს საინფორმაციო სივრცე ახალგაზრდობის შეხედულებათა ფორმირებაზე.