კელი დეგნანი, აშშ-ს ელჩი საქართველოში: “შეერთებულმა შტატებმა გარკვევით განაცხადა, რომ არ მოვილაპარაკებთ ევროპის საკითხზე ევროპის გარეშე, ნატო-ს საკითხზე _ ნატო-ს მოკავშირეების გარეშე და ასევე არ მოვილაპარაკებთ საქართველოსა და უკრაინის შესახებ საქართველოსა და უკრაინის გარეშე და შევინარჩუნებთ მჭიდრო კოორდინაციას საქართველოს მთავრობასთან, ისევე როგორც უკრაინის მთავრობასთან”.
რუსეთის საგარეო საქმეთა მინისტრის მოადგილე ალექსანდრ გრუშკო (ამა წლის 12 იანვარს გამართული რუსეთი-ნატო-ს მოლაპარაკებების შემდეგ): “მე ხანდახან ვერ ვიგებ ჩვენი პარტნიორების განცხადებებს. კი, მე წავიკითხე ბატონი ბლინკენის (აშშ-ს სახელმწიფო მდივნის) განცხადება “არცერთი სიტყვა უკრაინაზე უკრაინის გარეშე”. მაგრამ დღეს ოთხსაათიანი მოლაპარაკებებიდან ალბათ, საათ-ნახევარი მაინც ჩვენი პარტნიორები უკრაინაზე მსჯელობდნენ. აი, რეალობა ესაა”.
