სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, უწმინდესი და უნეტარესი ილია მეორე, ჯანმრთელობის მდგომარეობის გამო, სიონის ტაძარში წირვას ვერ დაესწრო.
უწმინდესის მკურნალი ექიმი, ცისანა შარტავა აცხადებს, რომ უწმინდესი თავს შეუძლოდ გრძნობს, თუმცა განსაკუთრებული არაფერია.
წმინდა ნინოს ხსენების დღესთან დაკავშირებით სიონის ღვთისმშობლის მიძინების სახელობის ტაძარში საღმრთო ლიტურგია მიმდინარეობს.
წირვას ახალქალაქისა და კუმურდოს მიტროპოლიტი ნიკოლოზი, წალკელ ეპისკოპოს გრიგოლთან და სასულიერო პირებთან ერთად აღავლენს.
