დიდი ბრიტანეთის, შეერთებული შტატების და საფრანგეთის საგარეო საქმეთა სამინისტროები უსაფუძვლოს უწოდებენ რუსული მხარის გაფრთხილებებს კიევის მიერ ე.წ. ბინძური ბომბის შესაძლებლო გამოყენების შესახებ. ამის შესახებ ნათქვამია სამი ქვეყნის ერთობლივ განცხადებაში, რომელიც სახელმწიფო დეპარტამენტმა კვირას გაავრცელა.
სამი სახელმწიფოს დიპლომატიური უწყებების ხელმძღვანელებმა გამოხატეს “ურყევი მხარდაჭერა უკრაინის სუვერენიტეტის, დამოუკიდებლობისა და ტერიტორიული მთლიანობის მიმართ”. ისინი ირწმუნებიან, რომ აპირებენ “მხარი დაუჭირონ უკრაინის ძალისხმევას, დაიცვას თავისი ტერიტორია, იმდენ ხანს, რამდენიც საჭირო იქნება”.
„დღეს ჩვენი სამი ქვეყნის თავდაცვის მინისტრები რუსეთის თავდაცვის მინისტრს სერგეი შოიგუს მისი თხოვნით ესაუბრნენ. ჩვენმა ქვეყნებმა ნათლად განაცხადეს, რომ ისინი უარყოფენ აშკარად ცრუ განცხადებებს, რომ უკრაინა ემზადება გამოიყენოს „ბინძური ბომბი“ მის ტერიტორიაზე“, – ნათქვამია დოკუმენტში. „ჩვენ ასევე უარვყოფთ რუსეთის მხრიდან ესკალაციის ნებისმიერ საბაბს“, – ნათქვამია განცხადებაში. დიდი ბრიტანეთის, შეერთებული შტატებისა და საფრანგეთის დიპლომატიური უწყებების ხელმძღვანელებმა ასევე „განიხილეს ვალდებულება, გააგრძელონ უკრაინისა და უკრაინელების სამხედრო, ეკონომიკური და ჰუმანიტარული დახმარება“.
კვირას შოიგუმ სატელეფონო საუბარი გამართა დიდი ბრიტანეთის, საფრანგეთისა და თურქეთის თავდაცვის მინისტრებთან. რუსმა მინისტრმა კოლეგებს გადასცა შეშფოთება უკრაინის მხრიდან შესაძლო პროვოკაციების შესახებ „ბინძური ბომბის“ გამოყენებით. გარდა ამისა, პარასკევს და კვირას შოიგუ ტელეფონით ესაუბრა პენტაგონის ხელმძღვანელს.
მანამდე რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ უკრაინის ბირთვულ შანტაჟზე გაამახვილა ყურადღება. მისი თქმით, კიევი ზაპოროჟიეს ატომური ელექტროსადგურის “ბინძურ ბომბად” გადაქცევას გეგმავდა.
24 თებერვალს რუსეთის პრეზიდენტმა ვლადიმერ პუტინმა გამოაცხადა სამხედრო ოპერაცია უკრაინაში, დონბასის რესპუბლიკების ლიდერების დახმარების თხოვნის საპასუხოდ. ამის შემდეგ დასავლეთმა რუსეთის წინააღმდეგ ფართომასშტაბიანი სანქციები დააწესა. დასავლეთის სახელმწიფოებმა კიევისთვის იარაღის მიწოდება მილიარდობით დოლარით გაზარდეს.
