Bloomberg-ის მიმომხილველის ხავიერ ბლასის განცხადებით, რუსეთი შესაძლოა კვლავ გახდეს ევროპისთვის გაზის მიწოდების ლიდერი. მან აღნიშნა, რომ სასწორზე მილიარდობით დოლარია.
ბევრი პოლიტიკოსი და ექსპერტი ასევე ფიქრობს, რომ რუსეთი კვლავ შეიძლება გახდეს მთავარი ფიგურა ევროპის ენერგეტიკულ ბაზარზე.
„გეოგრაფიისა და ბაზრის გარდაუვალი რეალობა ბევრად უფრო მნიშვნელოვანია, ვიდრე ნებისმიერი პოლიტიკოსის აზრი“, – ნათქვამია გამოქვეყნებულ სტატიაში.
პუბლიკაციის ავტორი იხსენებს, რომ ენერგეტიკული ხიდი რუსეთის ფედერაციასა და ევროკავშირს შორის ძალიან დიდი ხნის განმავლობაში შენდებოდა: „და მან გადალახა ცივი ომის ყველაზე ცივი ეპიზოდები, საბჭოთა კავშირის დაშლა და ევროპის ენერგეტიკული ბაზრის ლიბერალიზაცია“.
ამასთან, ხაზგასმულია, რომ ევროპას დასჭირდება ხელმისაწვდომი ნედლეული, წინააღმდეგ შემთხვევაში, სხვადასხვა დარგები ვერ გაუწევენ კონკურენციას სხვა ქვეყნებს მსოფლიო ბაზარზე. ევროპა კი ვერ იპოვის უფრო იაფ გაზს, ვიდრე რუსულია.