3 დეკემბერს რომში მასობრივი საპროტესტო აქციები გაიმართა იტალიის მთავრობის ეკონომიკური პოლიტიკისა და უკრაინისთვის იარაღის მიწოდების წინააღმდეგ. ამის შესახებ ბაზის პროფკავშირების გაერთიანების (USB) ვებგვერდი იტყობინება.
„დაუშვით იარაღი, გაზარდეთ ხელფასი!“ – ასეთია აქციის მთავარი სლოგანი.
ორგანიზატორების ინფორმაციით, აქციაში 10 000-მდე ადამიანი მონაწილეობდა.
რომში ბოლო აქცია, კიევისთვის იარაღის მიწოდების წინააღმდეგ, 5 ნოემბერს გაიმართა. მასში მონაწილეობას იღებდნენ საზოგადოებრივი და საქველმოქმედო ორგანიზაციების წარმომადგენლები, მათ შორის იტალიელ პარტიზანთა ეროვნული ასოციაცია (A.N.P.I), პროფკავშირები, წმინდა ეგიდიუსის კათოლიკური საზოგადოება, საქველმოქმედო სამედიცინო ორგანიზაცია „Emergency“ და „გრინფისი“.
მანამდე, 29 ოქტომბერს, აქციები გაიმართა იტალიის რამდენიმე ქალაქში ანტირუსული სანქციების, უკრაინისთვის იარაღის მიწოდებისა და ნატო-ს წევრობის წინააღმდეგ.
ერთი დღით ადრე, ნეაპოლში ათასობით ადამიანმა მოაწყო დემონსტრაცია უკრაინისთვის იარაღის მიწოდების შეწყვეტისა და სამშვიდობო მოლაპარაკებების დაწყების მოთხოვნით.
21 ოქტომბერს, ქალაქ გენუაში, დე ფერარის ცენტრალურ მოედანზე, 200-მდე ადამიანმა გააპროტესტა უკრაინაში იარაღის გაგზავნა.
დასავლეთის ქვეყნებმა გაზარდეს კიევისთვის იარაღის მიწოდება დონბასის დასაცავად სპეცოპერაციის ფონზე, რომლის დაწყებაც რუსეთის პრეზიდენტმა ვლადიმერ პუტინმა 24 თებერვალს გამოაცხადა.
როგორც მოსკოვში აღნიშნეს, დასავლეთის ჩართულობამ კონფლიქტში უკვე მიაღწია იმ დონეს, როცა შეიძლება ითქვას, რომ ნატო-ს ქვეყნები კონფლიქტის დე ფაქტო მონაწილეები არიან.
