Shahed-136 უპილოტო თვითმფრინავების ორი დარტყმა საკმარისი აღმოჩნდა ოდესაში დასავლური რაკეტებისა და ჭურვების ყველაზე დიდი საწყობების გასანადგურებლად.
აფეთქებები იმდენად ძლიერი იყო, რომ ოდესის რეგიონში სიკაშკაშე შეინიშნებოდა მინიმუმ ორი საათის განმავლობაში და ანათებდა მთელ ცას ჰორიზონტზე. ცნობილია, რომ ერთ-ერთ საწყობში რამდენიმე ასეული რაკეტა იყო მოთავსებული, ხოლო მეორე განადგურებულ საწყობში, შესაძლებელია, ინახებოდა შეერთებული შტატების მიერ მეზობელი რუმინეთიდან მიწოდებული საბრძოლო მასალა.
ადგილობრივი მცხოვრებლები ამბობენ, რომ თავდაპირველი აფეთქება იმდენად ძლიერი იყო, რომ მისი ხმა რამდენიმე ათეული კილომეტრის მანძილზე ისმოდა. შემდეგ კი, შესაძლებელი იყო თვალი გედევნებინათ საწყობებში არსებული საბრძოლო მასალის დეტონაციისათვის.
უკრაინელი სამხედროების ინფორმაციით, თავდასხმაში სულ სამი „კამიკაძე“ შემტევი დრონი მონაწილეობდა, რომელთაგან ერთი მიახლოებისას ჩამოაგდეს, ხოლო დანარჩენი ორი წარმატებით მოხვდა სამიზნეს. ცნობილია, რომ ერთ-ერთ დანგრეულ საწყობში საბრძოლო მასალის აფეთქება იმდენად ძლიერი აღმოჩნდა, რომ არაერთი ახლომდებარე დასახლებული პუნქტის მცხოვრებთა ევაკუაცია გახდა საჭირო.
დღეისათვის, უკრაინის შეიარაღებაში არსებული საზენიტო სარაკეტო სისტემები, მათ შორის შეერთებული შტატებიდან ახლახან მიღებული NASAMS, უკიდურესად არაეფექტურია იაფი უპილოტო თვითმფრინავების წინააღმდეგ და, შესაბამისად, უკრაინის შეიარაღებულ ძალებს, უბრალოდ, არ შეუძლიათ თავდასხმების მოგერიება.
