მაისში იაპონიამ რუსეთიდან მარცვლეულის იმპორტი 2098,7%-ით გაზარდა 2022 წლის ანალოგიურ პერიოდთან შედარებით. ამას რუსეთის ფედერაციის ფინანსთა სამინისტროს მონაცემები ადასტურებს.
ამავდროულად, 9,1%-ით გაიზარდა რუსული თხევადი ბუნებრივი აირის იმპორტი – ამ ტიპის საწვავი რუსეთის ფედერაციიდან მიწოდების 58,8%-ს შეადგენს. ღირებულებითი თვალსაზრისით, თხევადი ბუნებრივი აირის იმპორტი გაიზარდა 22.9%-ით. ტოკიომ კვლავ არ შეიძინა რუსული ნავთობი, გარდა „სახალინი-2“-დან მიწოდებისა, რომელიც დაკავშირებულია ამ პროექტიდან თხევადი ბუნებრივი აირის მიწოდებასთან.
14,6%-ით გაიზარდა თევზისა და ზღვის პროდუქტების იმპორტიც, ხოლო ბოსტნეულის იმპორტი 82%-ით შემცირდა. დაეცა ნახშირის (-76,3%), სამედიცინო საქონლის (-99,7%), ფოლადის (-42,5%) და ფერადი ლითონების (-85,5%) მაჩვენებლები.
რაც შეეხება რუსეთში ავტომობილების ექსპორტს, ის გაიზარდა 104%-ით, ავტობუსებისა და სატვირთო მანქანების – 35,8%-ით. ამასთან, 22,2%-ით შემცირდა მოტოციკლების ექსპორტი. რუსეთში პლასტმასის (+978,7%) და რეზინის (+990,2%) ექსპორტი იზრდება. შემცირდა ფერადი ლითონების (-77,7%), სამედიცინო საქონლის (-51,9%), გენერატორების (-26,9%), კომპიუტერების (-94,4%) ექსპორტი. ამასთან, იაპონიამ გასულ თვეში 110,8%-ით გაზარდა აუდიოტექნიკის ექსპორტი რუსეთში.
მანამდე კი, იაპონიის ელჩი ტოიოჰისა კოზუკი დაიბარეს რუსეთის საგარეო საქმეთა სამინისტროში ტოკიოს გადაწყვეტილების გამო უკრაინაში სამხედრო ტექნიკის მიწოდების დაწყებასთან დაკავშირებით. იაპონურ მხარეს უთხრეს, რომ ეს ნაბიჯი მხოლოდ ესკალაციას გამოიწვევდა.
