Home ახალი ამბები საქართველო „გოგაშვილი აცხადებს, რომ დოკუმენტები არის საზღვარგარეთ, სანდო ხელში და უახლოეს დღეებში აპირებს...

„გოგაშვილი აცხადებს, რომ დოკუმენტები არის საზღვარგარეთ, სანდო ხელში და უახლოეს დღეებში აპირებს მის გასაჯაროებას“ – სოსო გოგაშვილის ადვოკატი

97

სუსის ყოფილი მაღალჩინოსანი სოსო გოგაშვილი დროებითი დაკავების იზოლატორში მისმა ადვოკატმა მოინახულა. მისი თქმით, გოგაშვილი თავს მხნედ გრძნობს და საბრძოლო განწყობაზეა. დაკავებას კი გოგაშვილი მის განცხადებას უკავშირებს, როდესაც თქვა, რომ 2021 წლის არჩევნები გაყალბდა. ადვოკატის თქმით, გოგაშვილი, მიუხედავად მისი დაკავებისა, მაინც გამოაქვეყნებს დოკუმენტებს.

„მისი პირველი გზავნილი არის ოჯახის მიმართ, რომ თავს გრძნობს კარგად, მხნედ და არის ბრძოლის განწყობაზე. რაც შეეხება დაკავების მოტივებს, როგორც ბატონი სოსო გოგაშვილი აცხადებს, მისი დაკავება უკავშირდება, ბოლო პერიოდში მის მიერ წამოწყებულ საქმიანობას, რაც ეხება არჩევნების გაყალბებას. როგორც თვითონ აცხადებს, ის მუშაობდა ამ სქემებზე და როგორც ამბობს, აქვს კონკრეტული შემაჯამებელი დოკუმენტი, თუ როგორ ხორციელდებოდა კონკრეტულად არჩევნები. აღნიშნული დოკუმენტის საჯაროდ გამოტანას აპირებდა რამდენიმე დღეში. როგორც აცხადებს, ეს დოკუმენტი დღის სინათლეს მაინც იხილავს რამდენიმე დღეში. სწორედ ამის გამო და იმ პოსტის გამო, რომელიც გამოაქვეყნა დაახლოებით ორი დღის წინ, ამ ყველაფრის პრევენციისთვის დააკავეს ის. თუმცა, როგორც უკვე გითხარით, ის აპირებს, რომ სიმართლისთვის იბრძოლოს. ამბობს, რომ და მეც დარწმუნებული ვარ, მისი დაკავება მოხდა უკანონოდ. დაკავების პროცესში განხორციელებულია ბევრი სავარაუდო დანაშაული. აღნიშნულთან დაკავშირებით, ხდება სპეციალური საგამოძიებო სამსახურის საქმის კურსში ჩაყენება. სოსო გოგაშვილის მეუღლე აცხადებს შემდეგ გარემოებასთან დაკავშირებით, რომელიც არის მნიშვნელოვანი და შეიძლება ითქვას, საგანგაშო. ეს გარემოება არის შემდეგი: სანამ მის ეზოში დასაკავებლად შევიდოდნენ, ქალბატონმა დაინახა ერთ-ერთი პიროვნება, თუ როგორ იდებდა ლეპტოპს ზურგის არეში, საქამრეში და შემდეგ ეს ლეპტოპი სხვა ფლეშკებთან ერთად, გარე მეხსიერების ბარათებთან ერთად ამოღებულ იქნა სოსო გოგაშვილის სახლის ჩხრეკის შედეგად. ასევე, განხორციელდა ფიზიკური ზეწოლა და ვიზუალური დაკვირვებითაც ეტყობა, რომ სახის არე აქვს შეშუპებული და წელის არეში მოხდა ფიზიკური დაზიანებების მიყენება. კიდევ ერთი მნიშვნელოვანი გარემოებაა, რომ, როდესაც გოგაშვილს ხელები შეკრული ჰქონდა უკანა მხარეს, გაშლილ ხელებზე მას უდებდნენ კონკრეტულ იარაღს, სავარაუდოდ, ანაბეჭდებისა და დნმ-ის გადატანის მიზნით. ამ დროს მოხდა გოგაშვილის მხრიდან წინააღმდეგობის გაწევა და სწორედ ამიტომ გაუსწორდნენ მას ფიზიკურად.

როგორც სოსო გოგაშვილი აცხადებს, დოკუმენტები არის საზღვარგარეთ, სანდო ხელში და უახლოეს დღეებში აპირებს მის გასაჯაროებას“, – განაცხადა ადვოკატმა.

https://pia.ge/

LEAVE A REPLY

Please enter your comment!
Please enter your name here