აშშ–ის მიერ უკრაინისთვის გადაცემული HIMARS–ის ზალპური ცეცხლის რეაქციულ სისტემებს ამერიკელი და ბრიტანელი სამხედროები მართავენ, _ განაცხადა თადარიგის პირველი რანგის კაპიტანმა ვლადიმერ ერანოსიანმა. ამის შესახებ წერს “რია ნოვოსტი”.
ერანოსიანმა უარყო კიევის დასავლელი მოკავშირეების მტკიცება, რომ ისინი იარაღის გამოყენებას ასწავლიან ყოფილი საბჭოთა რესპუბლიკების მებრძოლებს.
“დარწმუნებული ვარ, რომ 6 რაკეტის გამშვები მოწყობილობა HIMARS-ის მომსახურებით დაკავებულნი არიან ამერიკელები და ინგლისელები”, _ განაცხადა ერანოსიანმა. მისი თქმით, უკრაინელები HIMARS-ებითა და მათი მომსახურე დასავლელი სამხედროების დაცვით არიან დაკავებულნი და თითოეულ HIMARS-ზე უკრაინელთა ერთი ბატალიონი მოდის. “პერიმეტრს უკრაინელები იცავენ, მაგრამ ისვრიან ამერიკელები. ჩემი აზრით, ისინი საზღვაო ქვეითები არიან, რომლებმაც დიდი გამოცდილება შეიძინეს ერაყში”, _ აღნიშნა სპეციალისტმა.
აშშ-მა უკრაინას HIMARS-ის 8 მობილური მოწყობილობა გადასცა, თუმცა რუსმა სამხედროებმა მათგან 2 უკვე გაანადგურეს.
რუსეთის საგარეო საქმეთა სამინისტროს განცხადებით, ნატოს ქვეყნები, როცა უკრაინას იარაღით ამარაგებენ, “ცეცხლს ეთამაშებიან”.
გიორგი გაჩეჩილაძე