დიალოგის გაძლიერება. ჩინეთში გაიმართა „ერთიანი რუსეთის“ და „ჩინეთის კომუნისტური პარტიის“ ლიდერების შეხვედრა

პარტია „ერთიანი რუსეთის“ თავმჯდომარე დიმიტრი მედვედევი ჩინეთის კომუნისტური პარტიის ცენტრალური კომიტეტის მიწვევით პეკინს ოფიციალური ვიზიტით ეწვია. მან მოლაპარაკებები გამართა ჩინეთის კომუნისტური პარტიის ცენტრალური კომიტეტის გენერალურ მდივანთან, ჩინეთის პრეზიდენტთან სი ძინპინთან. ეს იყო პირველი პირისპირი კონტაქტი რუსეთისა და ჩინეთის ორი მმართველი პარტიის ლიდერებს შორის პანდემიის დაწყების შემდეგ, ასევე 2022 წლის ოქტომბერში ჩინეთის კომუნისტური პარტიის XX კონგრესის ჩატარების შემდეგ.

დიმიტრი მედვედევმა ჩინეთის სახელმწიფოს მეთაურს გადასცა რუსეთის ფედერაციის პრეზიდენტის ვლადიმერ პუტინის გზავნილი, რომელშიც, კერძოდ, აღნიშნულია რუსეთ-ჩინეთის პოლიტიკური დიალოგისა და პრაქტიკული თანამშრომლობის უპრეცედენტო დონე, გამოხატულია ნდობა სახელმწიფოთაშორისი და ინტერპარტიული კავშირების მუდმივ პროგრესულ განვითარებაში ჩინეთის კომუნისტური პარტიის ახალ ხელმძღვანელობასთან მჭიდრო თანამშრომლობით.

რუსეთის დელეგაციის ხელმძღვანელმა, პარტია „ერთიანი რუსეთის“ სახელით, სი ძინპინს მიულოცა XX კონგრესის წარმატებით ჩატარება, გენერალურ მდივნად ხელახლა არჩევა და ჩინეთის კომუნისტური პარტიის ცენტრალური კომიტეტის ახალი შემადგენლობის ფორმირება.

დიმიტრი მედვედევი და სი ძინპინი ერთსულოვანი იყვნენ რუსეთ-ჩინეთის ურთიერთობების ამჟამინდელი მდგომარეობისა და პერსპექტივების მაღალ შეფასებაში, გაცვალეს მოსაზრებები ორმხრივ დღის წესრიგში არსებული საკითხების ფართო სპექტრზე და მიაღწიეს შეთანხმებას მხარეებს შორის თანამშრომლობის გააქტიურების შესახებ ვლადიმერ პუტინისა და სი ძინპინის მიერ დასახული საერთო ამოცანების კონტექსტში. ისინი ეხება რუსეთის ფედერაციასა და ჩინეთის სახალხო რესპუბლიკას შორის ყოვლისმომცველი პარტნიორობისა და სტრატეგიული თანამშრომლობის ურთიერთობების მთელი კომპლექსის შემდგომ ხელშეწყობას.

მხარეებმა ასევე „შეამოწმეს საათი“ რიგ მნიშვნელოვან საერთაშორისო საკითხებზე და აღნიშნეს მოსკოვისა და პეკინის მიდგომების ფართო თანხვედრა ყველაზე აქტუალურ გლობალურ პრობლემებთან დაკავშირებით. ისინი ასევე შეეხნენ სტრატეგიული საგარეო პოლიტიკის კოორდინაციის საკითხს, მათ შორის გაეროსა და სხვა მრავალმხრივი პლატფორმების ფარგლებში, რომელთა შორისაა შანხაის თანამშრომლობის ორგანიზაცია, BRICS და G20. განიხილეს პოსტსაბჭოთა სივრცეში არსებული ვითარება, მათ შორის უკრაინის კრიზისი.

ჩინეთში რუსეთ-ჩინეთის ნაყოფიერი მოლაპარაკებები მნიშვნელოვანი ეტაპი გახდა ერთობლივი ძალისხმევის კონტექსტში პარტია „ერთიან რუსეთსა“ და ჩინეთის კომუნისტურ პარტიას შორის დიალოგისა და, ზოგადად, სახელმწიფოთაშორისი კავშირების გასაძლიერებლად.