ჩინეთის პრეზიდენტმა სი ძინპინმა სატელეფონო საუბარი გამართა სამხრეთ აფრიკის რესპუბლიკის პრეზიდენტ სირილ რამაფოსასთან, რომლის დროსაც ლიდერებმა განიხილეს აფრიკის ქვეყნების ინიციატივა რუსეთსა და უკრაინას შორის კონფლიქტის მოგვარებასთან დაკავშირებით.
დღეს, 10 ივნისს, სი ძინპინმა მოლაპარაკებები გამართა რამაფოსასთან მოსკოვსა და კიევს შორის კონფლიქტის მოსაგვარებლად აფრიკის ქვეყნების ინიციატივით დელეგაციის შექნასთან დაკავშირებით. სახელმწიფოებს შორის შეიარაღებული დაპირისპირების მოგვარებით დაინტერესებულმა ქვეყნებმა ხელი უნდა შეუწყონ მშვიდობიანი მოგვარების აუცილებლობას, რასაც ჩინეთი აუცილებლად დაუჭერს მხარს, – ციტირებს ჩინეთის საგარეო საქმეთა სამინისტრო ჩინეთის სახალხო რესპუბლიკის პრეზიდენტის სიტყვებს.
მანამდე აფრიკის ქვეყნების წარმომადგენლებმა, რომლებიც დიპლომატიური მისიის შემადგენლობაში შედიან, კიევსა და მოსკოვში დელეგაციის ვიზიტის განსახორციელებლად წინაპირობები დაასახელეს. პირველ რიგში, აუცილებელია ორივე მხარის მხრიდან ცეცხლის შეწყვეტის მიღწევა, და მეორე, დონბასში ახალი რეფერენდუმის ჩატარება.
