რუსეთსა და ბრაზილიას შორის ენერგეტიკულ თანამშრომლობას მისი შემდგომი განვითარების სოლიდური პოტენციალი აქვს. ამის შესახებ ბრაზილიის საგარეო საქმეთა მინისტრმა მაურო ვიეირამ TASS-თან ინტერვიუში განაცხადა.
„ჩვენმა ქვეყნებმა მნიშვნელოვანი ცოდნა დააგროვეს ნავთობისა და გაზის სექტორში და ორმხრივი თანამშრომლობისა და გაცვლის შესაძლებლობები ძალიან დიდია. მაგალითად, 2021 წელს ბრაზილიამ მიიღო ახალი ნორმატიული აქტები, რომლებიც არეგულირებს გაზის ეროვნულ ბაზარს, გვაქვს გამოცდილება ღრმაწყლოვან შელფზე ნავთობის მოპოვების სფეროში“, – აცხადებს ბრაზილიელი მინისტრი. ვიეირამ ასევე დასძინა, რომ ბრაზილიის ენერგეტიკული ბალანსის თითქმის ნახევარი (44,7 პროცენტი) მოდის განახლებადი ენერგიის წყაროებზე, რაც მნიშვნელოვნად აღემატება შესაბამის გლობალურ საშუალო მაჩვენებელს (14 პროცენტი).
იმავდროულად, ბრაზილიის საგარეო საქმეთა სამინისტროს ხელმძღვანელმა ხაზი გაუსვა, რომ ენერგეტიკა ნამდვილად არაა ერთადერთი ორმხრივი თანამშრომლობის მიმართულება, რომელიც მაღალი პერსპექტიულობით გამოირჩევა. „მაგალითად, მთავარი რუსული აგროქიმიური კომპანიები, რომელთათვისაც ბრაზილია მნიშვნელოვანი ბაზარია, ინტერესდებიან ჩვენს ქვეყანაში ინფრასტრუქტურასა და ლოჯისტიკაში ინვესტიციების გაზრდით, განსაკუთრებით მათი პროდუქციის სადისტრიბუციო არხების თვალსაზრისით“, – განაცხადა ვიეირამ.
შეგახსენებთ, რომ რუსეთის საგარეო საქმეთა მინისტრის სერგეი ლავროვის ლათინური ამერიკის ტურნე დღეს დაიწყო. პირველი ბრაზილიაა.
