საფრანგეთის პრეზიდენტობის კანდიდატის, ფრანსუა ფიიონის მეუღლის დააკავების შესახებ ინფორმაციას სააგენტო „როიტერი“ გამოცემა „მედიაპარტის“ რეპორტიორის, მაიკლ დილიანის ინფორმაციაზე დაყრდნობით ავრცელებს.
საფრანგეთის ექსპრემიერმინისტრის და პრეზიდენტობის კანდიდატის ფრანსუა ფიიონის ცოლმა პენელოპამ დაახლოებით ათი წლის განმავლობაში საპარლამენტო ფონდებიდან, რომელზეც ხელი მის მეუღლეს მიუწვდებოდა, 500 ათასამდე ევრო მიიღო. ამის შესახებ ინფორმაციას ავრცელებს Politico ფრანგულ სატირულ ჟურნალზე Canard Enchaine-ე დაყრდნობით.
არსებული ინფორმაციით, პენელოპა ფიიონი პოლიციაში დაკითხვაზეა მიყვანილი. პროკურატურა მას პარლამენტის ბიუჯეტიდან თანხების უკანონო მიღებაში ედავება. როგორც ძიებით დადგინდა, ფრანსუა ფიონს მეუღლე თანაშემწედ ჰყავდა გაფორმებული და სოლიდურ ანაზღაურებას უხდიდა.
საფრანგეთის ყოფილი პრემიერმინისტრი ფრანსუა ფიიონი სარკოზის პარტიის, რესპულიკელების კანდიდატია ქვეყნის საპრეზიდენტო არჩევნებში, რომლის პირველი ტურიც აპრილში უნდა ჩატარდეს.
გამოცემის ცნობით, პენელოპა ფულს 1992-2002 წლებში იღებდა დეპუტატების ანაზღაურებისთვის განკუთვნილი ფონდებიდან. მაშინ ფრანსუა ფიიონი პარლამენტის წევრი იყო.
აღნიშნულია, რომ ოჯახის წევრების მთავრობაში დასაქმება კანონს არ ეწინააღმდეგება, თუკი სამუშაო ფიქტიური არ არის. გამოცემა წერს, რომ პენელოპა ფიიონი ამ თანხებს რამდენიმე წლის განმავლობაში იღებდა და სხვადასხვა პოზიციაზე იყო გაფორმებული, თუმცა პირდაპირი მტკიცებულება იმისა, რომ ის ამა თუ იმ თანამდებობაზე ნამდვილად მუშაობდა – არ არის.
ფიიონის წარმომადგენელმა სააგენტო AFP-ს განუცხადა, რომ პენელოპა ყველა ჩამოთვლილ პოზიციაზე ნამდვილად მუშაობდა, უბრალოდ ყოფილი პრემიერის მეუღლეს არ უყვარს საკუთარი საქმიანობის რეკლამირება.
