სახმელეთო ჯარების საზენიტო–სარაკეტო კომპლექსი “Бук–М3”, რომლითაც რუსეთის არმია 2016 წელს შეიარაღდა, ტაქტიკურ–ტექნიკური მახასიათებლებით გაცილებით სჯობს წინამორბედებს.
სამხედრო სპეციალისტების აზრით, საშუალო სიშორის მოქმედების მობილურ კომპლექსებში “Бук–М3”-ს ვერც ერთი ვერ შეედრება. პარალელების გავლება შეიძლება მხოლოდ ფრანგულ-იტალიურ კომპლექს SAMP-T-ის მახასიათებლებთან. კომპლექსის გაუმჯობესება მოხდა რამდენიმე მიმართულებით. გადასატანი საბრძოლო მასალების მოცულების გაზრდამ გამოიწვია მასირებული თავდასხმების მოგერიებისას კომპლექსის ეფექტიანობის გაზრდა. თითოეულ თვითმავალ საცეცხლე მოწყობილობაზე განთავსებულია 6 რაკეტა (Бук -М2-ზე 4 ასეთი რაკეტაა), ხოლო სატრანსპორტო-გამშვებ მოწყობილობაზე _ 12 (6-ის ნაცვლად).
გამშვები მოწყობილობის მახასიათებლები გაუმჯობესებულია მუხლუხიანი შასის ხარჯზე, მომატებულია ტვირთამწეობა და გამავლობა. რაკეტებისთვის სატრანსპორტო–გამშვები კონტეინერების გამოყენებით გამარტივდა დანადგარის ექსპლუატაცია. მნიშვნელოვნად გაფართოვდა კომპლექსის მოქმედების ზონა, ამასთანავე, ყველა სახეობის მიზნისთვის _ აეროდინამიკურისა და ბალისტიკურისთვისაც, მათ შორის, ტაქტიკური და ფრთოსანი რაკეტისთვის. ამაღლებულია მედეგობა რადიოელექტრონული ზემოქმედების მიმართ.
სამხედროებმა კომპლექსისთვის შეიმუშავეს ახალი რაკეტა 9M317M-ი, რომელიც “<БУК М2”-ის რაკეტა 9M317-სგან ბალისტიკური და ფრთოსანი რაკეტების განადგურების მაღალი მაჩვენებლით განსხვავდება, ამასთანავე, შენარჩუნებულია რაკეტა 9M317-ის გამოყენების შესაძლებლობაც.
საზენიტო-სარაკეტო კომპლექსი 9M317M “БУК М3”-ის დივიზიონს შეუძლია 2,5-დან 70 კმ-მდე მანძილზე გაანადგუროს 35 კმ-ის სიმაღლეზე წამში 3 კმ-ის სიჩქარით მოძრავი 36 მიზანი.
ცნობისთვის: აშშ-ის ოპერატიულ-ტაქტიკური დანიშნულების სამართვი რაკეტა MGM-140 ATACMS-ს წამში 1,5 კმ სიჩქარით მოძრაობა შეუძლია.
