ერდოღანის დამხობას სააკაშვილის მამობილი ცდილობდა

წინა კვირას თურქულ ტელეარხ “A-Haber”-ის პირდაპირ ეთერში თურქი სამართალდამცავების მიერ ფეთჰულაჰ გიულენის დანაშაულებრივი ორგანიზაციის წევრობისთვის ძებნილმა ჰაიატი ქუჩუკმა, რომელიც თავის დროზე გიულენის სკოლებისა და უმაღლესი სასწავლებლების დამფუძნებელი იყო საქართველოში, სკანდალური განცხადება გააკეთა. მან ვრცელ სატელევიზიო ინტერვიუში დეტალურად მოყვა, როგორ და როდის გაიცნო ფეთჰულაჰ გიულენი, კონკრეტულად რა დავალებებს იღებდა მისგან და რა საქმიანობას ეწეოდა საქართველოში: “თბილისში, რუსთავში, ქუთაისში, ბათუმში სკოლები და სასწავლებლები გავხსენით. რასაც მე ვხედავდი, ამ სასწავლებლების გახსნის მიზანი იყო ორ ქვეყანას შორის ურთიერთობების გაუმჯობესება და თურქეთის იმიჯის მაღალ დონეზე შენარჩუნება ამ ქვეყანაში”.

იმავე ინტერვიუში ჰაიატი ქუჩუკმა აღნიშნა, რომ მოგვიანებით შეიტყო გიულენის მიერ უმაღლესი სასწავლებლების გახსნის რეალური მიზეზი, რაც მისთვის მოულოდნელი და მიუღებელი აღმოჩნდა: “2002 წლიდან, ხელისუფლებაში ერდოღანის მოსვლის შემდეგ, ჩემთვის თანდათან ნათელი შეიქნა, რომ გიულენი, რომლის დოქტრინასაც ვავრცელებდით მსოფლიოში, არა რომელიმე რელიგიურ–პოლიტიკური ჯამაათის ხელმძღვანელი იყო, არამედ აშშ–ის, ისრაელისა და სხვა დასავლურ სპეცსამსახურებთან დაახლოებული პირი. გიულენს ისევე არ უყვარდა ერდოღანი, როგორც დასავლეთის ზოგიერთ ლიდერს და ისრაელს. ჩვენ მიერ შუა აზიასა და ჩეჩნეთში სასწავლებლების გახსნა ნიადაგის მომზადება იყო ამ ქვეყნებში ამერიკული სპეცსამსახურების შესასვლელად…”

ქუჩუკის განცხადებით, გიულენის ორგანიზაციას ყველა ქვეყნის ხელისუფლებაში ჰყავს თანამოაზრე, რომელიც გარკვეული გასამრჯელოს ფასად მისთვის მუშაობს: “ვაფინანსებდით ყველას, ვინც კი რამეში გამოგვადგებოდა იმ ქვეყანაში. საქმე იქამდეც მივიდა, რომ საქართველოში გიულენმა ეკლესიის დაფინანსებაც კი დაგვავალა. დიახ, ქართულ ეკლესიას გადავუხადეთ ფული… უკან არ ვიხევდით ქრთამზეც. საქართველოს იმდროინდელ პრეზიდენტს, ედუარდ შევარდნაძეს, 165 000 დოლარის ჩეკი გადავეცით ქრთამის სახით თავის კაბინეტში. ამ ფაქტს თურქეთის ელჩიც ესწრებოდა…”

ინტერვიუს დასასრულს ქუჩუკმა განაცხადა, რომ მას საქართველოსთვის ბოდიში აქვს მოსახდელი, რადგან გიულენის ორგანიზაციის საქმიანობა, საბოლოო ჯამში, ორ ქვეყანას შორის ურთიერთობის გაფუჭებისა და მტრობისკენ იყო მიმართული.

ქუჩუკის გაცხადებიდან ჩანს, რომ არათუ თურქეთის დაზვერვას, არამედ გიულენის ორგანიზაციასაც კი საქართველოში ჯაშუშების ეშელონირებული ქსელი ჰყავს. აი რას წერს ამ ე.წ. სასწავლო დაწესებულებების საქმიანობის სპეციფიკაზე სოციალური ქსელების ერთ-ერთი აქტიური წევრი:

“აჭარის პანსიონები, მედრესეები ზრდიან აგენტებს, რომლებსაც 5-10 წლის შემდეგ გამოიყენებენ საქართველოში პროთურქული ელიტის ფორმირებისთვის. ეს არის აგენტურული სახლები რომლებიც ეწევიან გადაბირებას ახალგაზრდობის… 2 წელი ვსწავლობდი დემირელის კოლეჯში, სანამ გამომაგდებდნენ. ამ კოლეჯის იდეოლოგია მუშაობს შემდეგნაირად: ჩემ დროს ღირდა 800 დოლარი, იმ დროს ამ ფასად მანქანს იყიდიდი, ანუ დადიოდნენ მხოლოდ შეძლებული ოჯახების შვილები: ბიზნესმენების, სახელმწიფო მოხელეების შვილები და, უბრალოდ, ძალიან შეძლებული ოჯახების შვილები. სკოლის ხელმძღვანელობა შედიოდა და ახლაც შედის ძალიან ახლო კონტაქტში მშობლებთან, განსაკუთრებით მათთან, ვინც არის სახელმწიფო დონეზე მნიშვნელოვან სტრუქტურებში: საგარეო საქმეთა სამინისტრო, შსს, უშიშროება და ა.შ. რატომ შედის მათთან ახლო კონტაქტში? იმიტომ, რომ ჰქონდეთ “ხოდი” და დაბალი დონიდან ავიდნენ მაღალ დონეზე, მოიპოვონ ნდობა და ჰყავდეთ დავალებულები. არის ვიზიტები, თურქეთში პატიჟებენ, “აგულავაებენ” და ჩამოჰყავთ უკან, ჩამოჰყავთ უკან უკვე “დავალებულები” და “დამეგობრებულები”. ეს არის ჯაჭვი, შემდეგ მიდის ლაპრაკი: მოდი, ბიზნესი ერთად გავაკეთოთ, მოდი, რამე შემოვიტანოთ, გავიტანოთ და პროცესები მიდის უფრო სიღრმეში”.

ცხადია, ქუჩუკის ზემოაღნიშნულ განცხადებას ნებისმიერ ნორმალურ სახელმწიფოში რეაგირება მოჰყვებოდა და შესაბამისი სტურქტურები მყისვე დაიწყებდნენ გამოძიებას _ შეესაბამება თუ არა ეს განცხადება სიმართლეს და ვინ იყვნენ კონკრეტულად ის ქართველი მაღალჩინოსნები, რომლებიც ქვეყანაში გზას უხსნიდნენ უცხო სახელმწიფოს რეაქციულ ძალებს, მაგრამ არაფერი მსგავსი. საქართველოს ხელისუფლებამ არათუ გამოძიება დაიწყო, ექსტრემიზმში ბრალდებულ თურქ ტერორისტს კალთა გადააფარა და განათლების მინისტრ ალექსანდრე ჯეჯელავას პირით გვაუწყა, რომ თურმე გიულენის მიერ დაფინანსებულ სკოლებში კანონდარღვევის ფაქტები არ ყოფილა. ეს, ალბათ, გასაკვირი არც არის _ როგორც ჩანს, გიულენი დღევანდელი ხელისუფლების მაღალჩინოსნებსაც ისევე ყიდულობს, როგორც თავის დროზე შევარდნაძეს ყიდულობდა კაბინეტში ხონჩით მირთმეული ათასებით. როგორც ჩანს, ამ ხელისუფლებაშიც ბევრია ოცდაათ ვერცხლზე დახამებული იუდები და ფარსადანები, რომლებსაც სახელმწიფო საძოვარი ჰგონიათ და უცხოურ გრანტზე ნერწყვი მოსდით… 

გიულენის მიერ დაფინანსებული სასწავლებლები საქართველოში განსაკუთრებით “ვარდების რევოლუციის“ შემდეგ მომრავლდა, რადგან მას სააკაშვილის ხელისუფლებამ „მწვანე შუქი“ აუნთო, მიუხედავად იმისა, რომ სწორედ იმ პერიოდში იხურებოდა იგივე გიულენის მიერ დაფუძნებული უნივერსიტეტების ნაწილი მსოფლიოს სხვადასხვა ქვეყანაში.

გიულენს ახლო კავშირი აქვს საქართველოს ექსპრეზიდენტის დედასთან გიული ალასანიასთან რომელიც გიულენის ინიციატივით საქართველოში გამართული კონფერენციების ორგანიზატორი და მასთან საკმაოდ დაახლოებული პირია.

ამ დღეებში ერთ-ერთი ქართული ინტერნეტ გამოცემა წერდა რომ გიულენმა სააკაშვილს სთხოვა, „ნიურჯლარის- რუხი მგლების“ წევრებისთვის – თურქეთისა და არაბული ქვეყნების მოქალაქეებისთვის, საქართველოს მოქალაქეობა მიეცა, რათა , საქართველოში გადაადგილების ან სხვა სახის პრობლემები არ შეჰქმნოდათ. სააკაშვილმა გიულენის თხოვნა შეასრულა და 3000 თურქს საქართველოს მოქალაქეობა დაჩქარებული წესით პრეზიდენტობის ვადის მიწურულსჰი მიანიჭა, გიულენმა მას ასევე დამატებით 200 კაციანი სია გადასცა.  ეს ინფორმაცია, იუსტიციის მინისტრმა, თეა წულუკიანმა დაადასტურა. ექსტრემისტი თურქები რომლებსაც სააკაშვილმა საქართველოს მოქალაქეობა მიანიჭა დღემდე ბათუმში მოღვაწეობენ და მათ ფინანსურ უზრუნველყოფას მიხეილ სააკაშვილის დედა გიული ალასანია გიულენის მიერ დაარსებული უმაღლესი სასწავლებლებიდან შემოსული თანხებით უზრუნველყოფს- ვკითხულობთ ინტერნეტგამოცემაში. იქვე აღრნიშნულია რომ – მიხეილ სააკაშვილმა თურქული ნაღმი ტერორისტული ორგანიზაცია “რუხი მგლების” სახით საქართველოში არეულობის მოსაწყობად ჩადო. დღესიათვის სააკაშვილს 3200 ისლამისტი რადიკალი თურქი მებრძოლი ყავს საქართველოს მოქალაქის პასპორტით რომლებმაც პროფესიონალურ დონეზე იციან როგორ ჩააგდონ საქართველო საფრთხეში. მიხეილ სააკაშვილმა თურქეთს სრული ჰეგემონია მისცა აჭარაზე და საქართველოს ბათუმისა და თბილისის აეროპორტები თურქულ კომპანიას ჩააბარა, სწორედ ამ აეროპორტების დახმარებით მიხეილ სააკაშვილის უშუალო დავალებით ყოფილი თავდაცვის მინისტრი დავით კეზერაშვილი დაჯგუფება “რუხ მგლებს” იარაღით ამარაგებდა”.

სააკაშვილის დედას გიული ალასანიასა და ფეთჰულაჰ გიულენს შორის ურთიერთობა იმდენად მჭიდრო გახლდათ რომ მას ხუმრობით “სააკაშვილის მამინაცვალსაც” უწოდებდნენ. ამ “ხუმრობას” ამძაფრებდა სააკაშვილის ცნობილი განცხადებაც იმის თაობაზე რომ როგორც მას დედამისმა გიული ალასანიამ შთააგონა – თურქეთი საქართველოს ისტორიული მტერი კი არა ისტორიული მეგობარიაო.

სწორედ გიული ალასანიას “შთაგონებით” ხსნიდნენ იმას რომ სააკაშვილი მამობილ გიულენს უარს არაფერზე ეუბნებოდა. დღეს კი ირკვევა რომ ერდოღანის დამხობას სააკაშვილის “მამნაცვალი” ცდილობდა, სწორედ ის  გიულენი ვისი გიული ალასანაიასთან ახლო კავშირების გამო ბათუმში დღემდე ხუმრობენ – „ალი და ნინოს“ ძეგლი  სინამდვილეში გიულის და გიულენის, ანუ დედისა და მამობილის  სიმბოლოდ დაადგმევინა სააკაშვილმაო.

ცხადია, “ნაცების ბუღას” უანგაროდ არ დაურიგებია ათასობით თურქისთვის საქართველოს მოქალაქეობა. ამ ყველაფრის უკან კონკრეტული გარიგება და დიდი ფინანსური ინტერესები იდგა. ამიტომ იყო დედამისიც, გიული ალასანია, გიულენთან კუდით გადანასკვული, ამიტომ უწყობდა ის ხელს სწორედ გიულენის სასწავლებლების გაფართოებასა და პოპულარიზაციას ქვეყნის მასშტაბით. საბოლოო ჯამში, ამ მოღალატეობრივი პოლიტიკის შედეგად საქართველომ მიიღო ათიათასობით თურქი ქართული პასპორტით, ამ პოლიტიკის შედეგად საქართველომ მიიღო ენ რაოდენობის თურქული კომპანია, რომლებიც ისედაც ეკონომიკური კატასტროფის ზღვარზე მყოფ საქართველოში იმთავითვე ახორციელებდნენ და დღემდე განაგრძობენ ეკონომიკურ ექსპანსიას. თუმცა ეს კიდევ არაფერია იმასთან შედარებით, რაც წინ გველოდება: შორს არ არის ის დრო, როცა თურქეთი დე იურედ მიიერთებს აჭარას. თანაც ამას დემოკრატიის სახელით გააკეთებს და საქმეს ისე დაასვამენ ბეჭედს, რომ “ცივილიზებულ მსოფლიოს” სინდისი “სუფთა” ექნება. მერე არც იმის თქმა გაუჭირდებათ, რომ “თურქეთი ჩვენი ისტორიული მეგობარია”, ისტორიული მოკეთე და არა მტერი, რომელიც საქართველოს თავის განუყოფელ ნაწილად მიიჩნევს.

რა საფრთხეებს შეიცავს საქართველოსთვის გიულენის სასწავლებლები, უნდა დაიწყონ თუ არა შესაბამისმა უწყებებმა მათი საქმიანობის შესწავლა და უნდა გაუქმდეს თუ არა ისინი? _ ამ და სხვა მნისვნელოვან საკითხებზე გვესაუბრება პოლიტოლოგი ჰამლეტ ჭიპაშვილი.

_ ბატონო ჰამლეტ, ფეთჰულაჰ გიულენთან დაახლოებულმა პირმა ჰაიატი ქუჩუკმა ერთ–ერთ თურქულ ტელეარხთან ინტერვიუში ერთობ სკანდალური განცხადება გააკეთა. მან თქვა, რომ გიულენი ამერიკის სპეცსამსახურების მითითებით მოქმედებდა და მისი საქმიანობა საქართველოში ოფიციალურ თბილისსა და ანკარას შორის დაძაბულობისკენ იყო მიმართული. როგორ ფიქრობთ, რა მიზანს ემსახურება ჩვენს ქვეყანაში გიულენის სასწავლებლები?

_ საქართველოში გიულენის სასწავლებლების უკან არა მხოლოდ ეს პიროვნება _ ჰაიატი ქუჩუკი, არამედ ბევრი ქართველიც იდგა, მათ შორის, სააკაშვილის დედაც, რომელიც თავის დროზე იყო (არ ვიცი, დღეს არის თუ არა) შავი ზღვის საერთაშორისო უნივერსიტეტის პრორექტორი. ჩვენი ხელისუფლების წარმომადგენლების განცხადება, რომ ამ სასწავლებლებში ქართული პროგრამებით ხდება სწავლება, აბსურდია. გიულენი არ იყო მომართული იმისთვის, რომ ქართველებს აქ ესწავლათ ქართული სულისკვეთებით, მისი მიზნები და ამოცანები სულ სხვა იყო…

_ კონკრეტულად?

_ კონკრეტულად ის ხსნიდა რელიგიურ სასწავლებლებს და ეს რელიგიური სასწავლებლები მოდებულია აჭარას. მერე ამ სასწავლებლების მოსწავლეებს იწვევდა თურქეთში და იქ ნასწავლი ბავშვი უკვე ჭკუაგადაბრუნებული ბრუნდებოდა. მარტივად რომ ვთქვათ, იმას, რასაც დღეს გიულენი აკეთებს, ჰქვია იდეოლოგიური ექსპანსია. ეს არის იდეოლოგიური ოკუპაცია და, ვფიქრობ, ამან არანაკლები საფრთხე შეიძლება შეუქმნას საქართველოს, ვიდრე სხვა სახის კონფრონტაციამ უცხო სახელმწიფოსთან. ამასთანავე, დიდი საფრთხის შემქმნელად მიმაჩნია ის ქართველებიც, რომლებიც გზას უხსნიან ამ რეაქციულ ძალას. ამ ყველაფერმა ძალიან მალე შეიძლება კატასტროფამდე მიგვიყვანოს. ყოველ შემთხვევაში, აჭარისთვის უკვე ტრაგედიადაა ქცეული თურქული ექსპანსია და ეს არის ფაქტი…

_ ჰაიატი ქუჩუკმა განაცხადა, რომ შევარდნაძის ხელისუფლებას ქრთამს აძლევდნენ, რათა სახელმწიფოსგან გარკვეული ხელშეწყობა მიეღოთ. როგორ ფიქრობთ, შესაძლებელია, სააკაშვილის ხელისუფლებასაც და დღევანდელსაც უხდიდნენ ქრთამს?

_ რა თქმა უნდა, ეს გამორიცხული არ არის. დღეს საქართველოს ხელისუფლება ქართული ხელისუფლება რომ არ არის, ფაქტია. საქართველოს ხელისუფლება არის მეხუთე კოლონა, რომელიც ფინანსდება უცხოეთიდან და, რა მნიშვნელობა აქვს მათთვის, საიდან მიიღებენ ფულს _ თურქეთიდან თუ ამერიკიდან?!

აქვე გაგახსენებთ სააკაშვილის ერთ ცნობილ განცხადებას, რომელიც მან პრეზიდენტობის პერიოდში გააკეთა: დედაჩემმა მითხრა, თურქეთი ჩვენი ისტორიული მტერი კი არ არის, არამედ საუკუნეების განმავლობაში ჩვენი მეგობარი ყოფილაო. ეს ხომ შემთხვევითი განცხადება არ იყო, ამის უკან იდგა სწორედ ის მოღალატეობრივი პოლიტიკა, რომელიც მერე ვნახეთ, როცა ერთი ხელის მოსმით დაურიგა თურქეთის მოქალაქეებს ქართული პასპორტები და მერე სიმბოლურ თანხად მიჰყიდა მათ მიწები…

_ დღევანდელ ხელისუფლებას (და წინასაც) ერდოღანთან კარგი ურთიერთობა აქვს, ერდოღანის ხელისუფლება კი გიულენს სახელმწიფო გადატრიალების მცდელობაში ადანაშაულებს. არის კი დღეს “ქართული ოცნების” ინტერესებში გიულენის სასწავლებლების არსებობა საქართველოში?

_ გიულენსა და ერდოღანს შორის ურთიერთობა გამწვავდა ბოლო სამი წელიწადია, თორემ თავის დროზე ისინი მჭიდროდ თანამშრომლობდნენ. მეტსაც გეტყვით, სამი წლის წინათ გიულენი იყო ერდოღანის უმაღლესი მრჩეველი. ეს, იცით, რას ნიშნავს? _ მთელი რიგი საკითხების გადასაწყვეტი ბერკეტები, განსაკუთრებით _ იდეოლოგიის, სწორედ გიულენის ხელში იყო.

ახლა გიულენის იდეოლოგიაზეც ვთქვათ _ რა უნდა ამ კაცს და რისთვის იბრძვის? ის ამბობს, რომ უნდა აღდგეს ოსმალეთის იმპერია, ანუ ევროპიდან დაწყებული ცენტრალური აზიის ჩათვლით, ყველა მიწა და სახელმწიფო უნდა გაერთიანდეს ერთ სახელმწიფოში, რომელსაც ერქმევა ოსმალეთის იმპერია. ცხადია, ამ იმპერიის შემადგენლობაში განიხილება საქართველოც. მეტიც, საქართველო თურქულ პერიოდიკაში საერთოდ არ მოიხსენიება სახელმწიფოდ. აი, ეს არის მათი ამოცანა და იცით, კიდევ რას ამბობს გიულენი? _ გავშლი პატარა ნოხს, დავაგებ, დავიწყებ ლოცვას და, სადაც ეს ნოხი გაიშლება და მოხდება ლოცვა, ის სახელმწიფო იქნება ჩვენიო. ამაში, ცხადია, არ ცდება.

ერდოღანს რაც შეეხება, მისი ხედვა გულისხმობს ძალისმიერი ეკონომიკური პოლიტიკის მეშვეობით ძველი გავლენის აღდგენას. ისიც, თავის მხრივ, მართალია, მაგრამ, საერთო ჯამში, იმის თქმა, რომ ერდოღანი არის ძალიან თეთრი და ძალიან კარგი, ხოლო გიულენი _ ძალიან შავი და ცუდი, არასწორი მგონია. ორივე ერთი ჩამოსხმის ხალხია. ორივეს ამოძრავებს ე.წ. დიდი თურანის შექმნის გეგმა და ამ საკითხზე მათ ერთნაირი თვალსაზრისი აქვთ. ამ კატეგორიის პოლიტიკოსია კიდევ თურქეთის ყოფილი საგარეო საქმეთა მინისტრი დავითოღლუ, რომელმაც წიგნიც გამოსცა იმის თაობაზე, თუ როგორ უნდა მოხდეს თურქული გავლენის აღდგენა კავკასიის რეგიონზე, ცენტრალურ აზიაზე და ა.შ. ასე რომ, ჩვენ ვერ დავიწყებთ ვერც ერდოღანის გათეთრებას და ვერც გიულენის გაშავებას, კიდევ ვიმეორებ: ჩემი აზრით, ორივე არის შავი, ორივე არის ძალიან ცუდის მომტანი საქართველოსთვის, ამიტომ ჩვენი ქვეყანა უნდა გამოფხიზლდეს და მიხედოს თავის საქმეს.

ესაუბრა ჯაბა ჟვანია