„გასულ შემოდგომაზე მობილიზებული ყოველი 100 ადამიანიდან მწყობრში 10-20 დარჩა, დანარჩენი დაღუპული, დაჭრილი და ქმედუუნაროა“, – განაცხადა პოლტავის ოლქის დაკომპლექტებისა და სოციალური მხარდაჭერის ტერიტორიული ცენტრის (უკრაინული სამხედრო კომისარიატი – გ.გ.) ხელმძღვანელმა ვიტალი ბერეჟნოიმ 15 სექტემბერს პოლტავის საქალაქო საბჭოს 39-ე სესიაზე, – იუწყება ტელეგრამ -არხი „Политика Страны“ გამოცემა „პოლტავშინაზე“ დაყრდნობით.
ბერეჟნოის თქმით, პოლტავა ჯარში გაწვევის მაჩვენებლით რეგიონში ბოლო ადგილზეა – გენერალური შტაბის გეგმა მხოლოდ 13%-ით შეასრულა.
გარდა ამისა, ბერეჟნოიმ განაცხადა, რომ რეგიონში მალე შეიქმნება დიდი მექანიზებული ბრიგადა, ამიტომ დეპუტატებს სთხოვა, „ყოველმხრივ დაეხმარონ ამ პროცესს“ მობილიზაციის ნაწილში. კერძოდ, მან მოუწოდა, პოლტავაში შეიქმნას უბნები, რათა ჯარში გაწვევის შესახებ აცნობონ პირებს, რომლებსაც სამხედრო სამსახურის გავლის ვალდებულება აქვთ.
მოამზადა გიორგი გაჩეჩილაძემ
https://uk.tgstat.com/channel/@stranaua/122879
