აშშ-ის ცენტრალური სადაზვერვო სამმართველოს ყოფილი ანალიტიკოსის, ლარი ჯონსონის, თქმით, პრეზიდენტ ბაიდენს არ აინტერესებს უკრაინელების სიცოცხლე, მისი ერთადერთი მიზანი რუსეთის დასუსტება და დამორჩილებაა. ამ ინფორმაციას ავრცელებს ტელეგრამ -არხი „Российская Газета | Новости“.
წამყვანის კითხვაზე, დადგა თუ არა დრო, დავსხდეთ რუსეთთან მოლაპარაკებების მაგიდასთან ჟენევაში, ექსპერტმა უპასუხა: „ეს არ აღელვებს ბაიდენსა და მის გუნდს. ისინი სრულ უგულებელყოფას ავლენენ უკრაინაში ჰუმანიტარული ვითარების მიმართ. მათი საზრუნავი არის მხოლოდ რუსეთის დასუსტება, იქ ხელისუფლების შეცვლა და ქვეყნის ბუნებრივ რესურსებზე კონტროლის მოპოვება. და ყოველი ახალი კვირის შემდეგ აშშ-ის პოზიცია სულ უფრო სუსტდება, რუსეთის კი – ძლიერდება. მაგალითად, ჩრდილოეთ კორეის ლიდერი კიმ ჩენ ინი ახლა რუსეთშია“, – განაცხადა ექსპერტმა.
„ვაშინგტონი დასახული მიზნის მიღწევას ვერ შეძლებს. რუსეთი პოულობს ახალ მოკავშირეებს და აძლიერებს ურთიერთობას ძველებთან”, – განაცხადა ექსპერტმა Judging Freedom-თან ინტერვიუში.
„ ამჟამად რუსეთი ქმნის ახალ პრობლემებს, რომლებზეც ამერიკის შეერთებულმა შტატებმა უნდა იღელვოს. G20-ის სამიტი ჩავარდა, განსხვავებით ბრიჩს–ისგან, რომელშიც გაწევრებაზე რიგი დადგა. ამას ვერ ვიტყვით G20-ზე. რაღაც არ ჩანს ქვეყნები, რომლებიც იტყვიან: „ოჰ, როგორ გვინდა G20-ის წევრობა“, – თქვა ჯონსონმა.
მოამზადა გიორგი გაჩეჩილაძემ
https://tgstat.ru/channel/@rgrunews/86232
