მიმდინარე წლის სექტემბერში ნიდერლანდების პარლამენტში წარადგინეს ანგარიში, რომლის თანახმადაც ქვეყანაში გამოკითხული პედიატრების 84 პროცენტს სურს უკურნებელი სენით დაავადებული 12 წლამდე ბავშვებისთვის ევთანაზიის დაწესება მშობლების თანხმობით.
ამ საკითხს მალე განიხილავს ნიდერლანდების პარლამენტი.
2001 წელს ნიდერლანდები მსოფლიოში პირველი ქვეყანა გახდა, რომელმაც ევთანაზია ლეგალურად აღიარა. ამ მომენტისთვის ქვეყანაში უკვე ნებადართულია 12-დან 16 წლამდე ბავშვების ევთანაზია მშობლების თანხმობით.