ტრამპისა და პუტინის შეხვედრამ შეცვალა ამ ორი ქვეყნის ურთიერთობა, შეცვლის მსოფლიოსაც

პუტინის თეზისები:

_ მოლაპარაკებები ჩატარდა საქმიან და გულახდილ ატმოსფეროში;

_ ორმხრივი ურთიერთობები ცუდ დღეში გვაქვს, მაგრამ ამ სირთულეებისთვის ობიექტური მიზეზები არ არსებობს. ახლა “ცივი ომი” აღარ არის, ახლა სხვა გამოწვევები გვაქვს;

_ მინდოდა, რომ ტრამპს გაემარჯვა არჩევნებში, მაგრამ რუსეთი პროცესში არ ჩარეულა;

_ უილიამ ბრაუდერმა დაახლოებით მილიარდ-ნახევარი დოლარი მოიპარა რუსეთში და შტატებში გაიტანა. ამ ფულიდან დაახლოებით ოთხასი მილიონით ჰილარი კლინტონის საარჩევნო კამპანია დააფინანსა;

_ კურსი განიარაღებაზე გაგრძელდება;

_ ჩვენ გავუზიარეთ ამერიკელ კოლეგებს ჩვენი მოსაზრებები სტრატეგიული სტაბილურობისა და მასობრივი განადგურების იარაღის გაუვრცელებლობის სფეროებში თანამშრომლობის თაობაზე, აგრეთვე შევთავაზეთ, აღვადგინოთ ანტიტერორისტული თანამშრომლობის ჯგუფი;

_ მოსკოვსა და ვაშინგტონს შეუძლიათ, საკუთარ თავზე აიღონ სირიაში ჰუმანიტარული კრიზისის გადაჭრის საკითხი;

_ ტერორისტების განადგურების შემდეგ სირიის სამხრეთ-დასავლეთით გოლანის მაღლობებზე სირიისა და ისრაელის სამხედროები უნდა დაშორიშორდნენ;

_ კონფლიქტი ჩრდილოეთ კორეასთან ჩაცხრობისკენ წავა;

_ ტრამპის პოზიცია ყირიმის მიმართ ცნობილია _ ის ამას უკანონოდ მიიჩნევს. ჩვენ კი მიგვაჩნია, რომ ყირიმში რეფერენდუმი ჩავატარეთ ყველა საერთაშორისო კანონისა და გაეროს წესდების შესაბამისად. ჩვენთვის ეს თემა დახურულია;

_ უკრაინის კონფლიქტის დარეგულირებისთვის მინსკის შეთანხმებებს ალტერნატივა არ აქვს, მაგრამ პროცესი შეცერებულია უკრაინული მხარის მიზეზით. მიმაჩნია, რომ აშშ-ს შეუძლია უკრაინაზე გავლენა იქონიოს და დარეგულირების პროცესი გაააქტიურებინოს;

_ რუსეთი შეინარჩუნებს ბუნებრივი აირის ტრანზიტს უკრაინის გავლით, იმ პირობით, რომ რუსული “გაზპრომი” და უკრაინული “ნაფტოგაზი” მორიგდებიან სამეურნეო დავის ფარგლებში სტოკჰოლმის არბიტრაჟში;

_ ორმხრივ ვაჭრობასა და ინვესტიციებს რომ ხელი შევუწყოთ, მე და პრეზიდენტმა ტრამპმა მოვილაპარაკეთ, შევქმნათ მაღალი დონის ჯგუფი ამერიკელი და რუსი ბიზნესმენებისგან;

_ უნდა განვაახლოთ კულტურული და ჰუმანიტარული თანამშრომლობა;

_ უნდა ვიფიქროთ გრძელვადიანი თანამშრომლობის ფილოსოფიაზე;

_ ამ პირველი სრულმასშტაბიანი შეხვედრით კმაყოფილი ვარ, მაგრამ ყველა წინაღობის გადალახვა ვერ შევძელით.

ტრამპის თეზისები:

_ ვთვლი, რომ ამერიკაც და რუსეთიც _ ორივე დამნაშავეა ჩვენ შორის ცუდი ურთიერთობის ჩამოყალიბებაში;

_ ჩვენი ურთიერთობები ასეთ დაბალ ნიშნულზე არასოდეს არ ყოფილა, მაგრამ ყველაფერი შეიცვალა ოთხი საათის წინ;

_ ჩვენ გვქონდა პირდაპირი, გულწრფელი და პროდუქტიული დიალოგი;

_ მადლობა პრეზიდენტ პუტინს, რუსეთმა ასე კარგად რომ გაართვა თავი მსოფლიო ჩემპიონატის ორგანიზებას;

_ მშვიდობის მისაღწევად მე უფრო წავალ პოლიტიკურ რისკზე, ვიდრე პოლიტიკური მიზნებისთვის მშვიდობით გავრისკავ;

_ რუსეთმა წამოაყენა საინტერესო წინადადება კიბერუსაფრთხოებისთვის სამუშაო ჯგუფის შესაქმნელად;

_ პრეზიდენტმა პუტინმა დამაჯერებელი პასუხები გასცა ამერიკული მხარის წუხილს (იგულისხმებოდა ე.წ. რუსული კვალი ტრამპის არჩევაში);

_ ჩვენი ქვეყნების თანამშრომლობას ასიათასობით სიცოცხლის გადარჩენა შეუძლია;

_ განვიხილეთ ჩრდილოეთ კორეის საკითხი და რუსეთი დაგვთანხმდა დახმარებას;

_ განვიხილეთ რადიკალური ისლამური ტერორიზმი და ამ მიმართულებით კვლავაც ვითანამშრომლებთ;

_ სირიაში ვითანამშრომლებთ რუსეთთან, მაგრამ ირანმა უპირატესობა არ უნდა მიიღოს;

_ ევროპის ენერგეტიკულ ბაზარზე ვითანამშრომლებთ კონკურენციის პირობებში;

_ ეს იყო ძალიან კონსტრუქციული დღე. მჯერა, რომ მომავალში უფრო ხშირად შევხვდებით. დღევანდელი შეხვედრა გრძელი გზის მხოლოდ დასაწყისია. ჩვენი მოლოდინები რეალიზმს ეფუძნება, ხოლო ჩვენი იმედები მოდის მშვიდობისა და თანამშრომლობისკენ;

_ იმედი მაქვს, რომ მომავალში ყველა იმ პრობლემას გადავჭრით, რომლებზეც დღეს ვილაპარაკეთ.