ექსეტერის უნივერსიტეტის მეცნიერებმა დაადგინეს, რომ პლასტმასის ბოთლები და საკვების შესანახი კონტეინერები ქიმიურ ნივთიერებას ბისფენოლ ა-ს შეიცავენ, რაც შესაძლოა სხვადასხვა ონკოლოგიური დაავადებების მიზეზი გახდეს.
ამის შესახებ Telegraph-ი წერს.
ბრიტანელმა მეცნიერებმა 94 მოზარდის შარდის ანალიზი შეისწავლეს. გაირკვა, რომ მათგან 86-ს “ბისფენოლ ა” აღმოაჩნდა.
სპეციალისტების თქმით, ყველაზე დიდ საფრთხეს პლასტმასის წყლის ბოთლები წარმოადგენს.
თავის მხრივ, ორგანიზაცია British Plastics Federation-მა კვლევის შედეგები გააკრიტიკა და განაცხადა, რომ ბისფენოლ ა-ს ზიანის შესახებ დასკვნები გაზვიადებულია.
