თელ ავივში სკოლის მასწავლებელმა, მინა იუდიტსკაია-ბერლინერმა ოთახნახევრიანი ბინა ანდერძით რუსეთის პრეზიდენტს, ვლადიმირ პუტინს დაუტოვა.
ბერლინერი პუტინს გერმანულს პეტერბურგში ასწავლიდა. ის ისრაელში საცხოვრებლად 1973 წელს გადავიდა.
2005 წელს ისრაელში ვიზიტისას, პეზიდენტმა მასწავლებელი ჩაიზე დაპატიჟა.
მოსწავლე მასწავლებელს საჩუქრებს უგზავნიდა, თელ ავივის ცენტრში ბინა რუსეთის საელჩოს მეშვეობით უყიდა.
მინა იუდიტსკაია ბერლინერის დაკრძალვის ხარჯებიც რუსეთის საელჩომ გაიღო.
