აშშ-ს პრეზიდენტი დონალდ ტრამპი არაერთხელ ღიად დაუპირისპირდა CNN და ბრალი დასდო მას მიკერძოებაში, დეზინფორმაციის გავრცელებასა და ფაქტების დამახინჯებაში. ამჯერად CNN-თან ერთად სიცრუის გამავრცელებელ წამყვან ამერიკულ მედიასაშუალებებად იგი NBC და The New York Times-საც მოიხსენიებს.
მისი თქმით, ის საინფორმაციო საშუალებები, რომლებიც ცრუ ინფორმაციებს ავრცელებენ ხალხის მტრებია:
“CNN, NBC და The New York Times ესენი ჩემი მტრები როდია, ესენი ამერიკელი ხალხის მტრებია, არ დაუჯეროთ მათ”. – დაწერა აშშ-ს პრეზიდენტმა სოციალურ ქსელში, ტვიტერის საკუთარ გვერდზე, მოგვიანებით კი ფეისბუკზეც.