აშშ–ის მთავრობამ ერთი თვის შემდეგ შეიძლება გაამკაცროს მოთხოვნები და დამატებითი ცვლილებები შეიტანოს დონალდ ტრამპის “იმიგრაციულ” განკარგულებაში.
აშშ-ის ნაციონალური უშიშროების სამინისტროს მიერ რამდენიმე დღის წინათ გამოქვეყნებული განცხადების თანახმად, აშშ-ში შესვლაზე აკრძალვა ვრცელდება მხოლოდ 7 მუსლიმანური ქვეყნის (ირანი, სირია, სუდანი, იემენი, ლიბია და სომალი) მოქალაქეებზე და აშშ-ის ხელისუფლება ჯერჯერობით არ აპირებს, სხვა სახელმწიფოებიც შეიყვანოს ამ სიაში.
მიუხედავად ამ განცხადებისა, განკარგულება შეიძლება გადაიხედოს უახლოესი ერთი თვის განმავლობაში, მას შემდეგ, რაც აშშ-ის შესაბამისი უწყებები მონიტორინგის ჩატარების შედეგებს ახალი განკარგულების ეფექტიანობაზე დონალდ ტრამპს მოახსენებენ.
აშშ-ის ნაციონალური უშიშროების მინისტრის _ ჯონ კელის განცხადებით, საუბარია დამატებითი პუნქტების შეტანაზე ანკეტაში, რომელიც “იმიგრაციის” შესახებ განკარგულებაში მითითებული ქვეყნების მოქალაქეებმა უნდა შეავსონ.
P.S. სასამართლომ დროებით შეაჩერა ტრამპის განკარგულება 7 მუსლიმანური ქვეყნის მოქალაქეებისთვის აშშ–ში შესვლის აკრძალვის თაობაზე.
