საინფორმაციო სააგენტო ICK-ს ცნობით,საქართველოს მთავრობის გადაწყვეტილებით, პარლამენტის წევრს დავით ბაქრაძეს პერსონალური დაცვა დაენიშნა. 2017 წლის 1 დეკემბრამდე მის უსაფრთხოებას სახელმწიფო დაცვის სპეციალური სამსახური დაიცავს.
აღნიშნული განკარგულება, რომელსაც ხელს პრემიერ-მინისტრი გიორგი კვირიკაშვილი აწერს, მთავრობამ 2016 წლის 30 დეკემბერს გამოსცა. ოფიციალური ინფორმაციით, პარლამენტის წევრისთვის პერსონალური დაცვის დანიშვნას საფუძვლად დაედო არსებული მონაცემები, რომლის თანახმადაც მის სიცოცხლესა და ჯანმრთელობას საფრთხე ემუქრება. ვინ და რატომ ემუქრება დავით ბაქრაძეს, ამის შესახებ ინფორმაციას არ ავრცელებენ.