აშშ–ის პრეზიდენტობის კანდიდატი დონალდ ტრამპი მზად არის, გამარჯვების შემთხვევაში ვლადიმერ პუტინს ინაუგურაციამდე შეხვდეს.
ამის შესახებ ტრამპმა რადიოგადაცემაში განაცხადა.
“ვფიქრობ, პუტინს ჩემი ადმინისტრაციის მუშაობის დაწყებამდე შევხვდებოდი. ჩემი მოსაზრებით, ეს შესანიშნავი იქნებოდა”, _ განაცხადა ტრამპმა. მისი თქმით, პრობლემა ისაა, რომ ამერიკელი ლიდერები მეტისმეტად ხშირად აყენებენ პუტინს შეურაცხყოფას, ამიტომ გასაკვირი არ უნდა იყოს, რომ რუსეთის ლიდერს ობამა და ჰილარი კლინტონი სძულს. როგორც “ბიბისი” აღნიშნავს, პრეზიდენტობის რესპუბლიკელმა კანდიდატმა რუსეთთან ურთიერთობის დალაგების სურვილი არაერთხელ გამოთქვა.
