არის ასეთი კაცი, ანზორ ბოლქვაძე. 2012-ში ხულოს რაიონში ბატონი ანზორი “ნაციონალური მოძრაობის” სახელით იყრიდა კენჭს, ახლა კი იმავე ღობეებსა თუ ბოძებზე ისევ ბოლქვაძის პლაკატი ფრიალებს, ოღონდ ამჯერად, როგორც “ქართული ოცნების” კანდიდატის.
როცა ლევან ვარშალომიძემ ერთ-ერთ შეხვედრაზე ბოლქვაძეს ჰკიდა თვალი და ქეჩოში წაავლო ხელი, მერე კი ჰკითხა, _ რაფერ ხარ თუ იციო, ტელეკამერებმა ბოლქვაძის პასუხი ვერ გადაიღეს და…
“რაფერ ვარ და თიხის ფიალასავით, ალავერდივით გადავდივარ ხელიდან ხელშიო”, _ უთქვამს ანზორს.
ბატონო ანზორ, ხელიდან ხელში ჩემი მეზობელი სვეტაც გადადის, მაგრამ, თიხის ფიალას კი არა, წაკლას ეძახიან უბანში.
