“ნაციონალური ფრონტის” ხელმძღვანელმა მარინ ლე პენმა “სი–ენ–ენისთვის” მიცემულ ინტერვიუში განაცხადა, რომ ამერიკის პრეზიდენტად ჰილარი კლინტონის არჩევა ნიშნავს “ომს” და “დამანგრეველ ეკონომიკურ არჩევანს” ყველა ფრანგისთვის”, _ იუწყება გაზეთი “ფიგარო”.
საფრანგეთის ულტრამემარჯვენე ნაციონალური ფრონტის ლიდერმა განაცხადა, რომ აშშ-ის საპრეზიდენტო არჩევნებში მხარს უჭერს რესპუბლიკური პარტიის წარმომადგენელ დონალდ ტრამპს მის მოწინააღმდეგესთან _ ჰილარი კლინტონთან ბრძოლაში.
“ყველაფერი, რაც გინდათ, ოღონდ კლინტონი _ არა. ასე გაცილებით უკეთესი იქნება საფრანგეთისთვის. მიმაჩნია, რომ არჩევნებში კლინტონის გამარჯვება ნიშნავს ომს. ჰილარი კლინტონი _ ეს არის ნგრევა, მსოფლიოს დესტაბილიზაცია, ეკონომიკური არჩევანი, რომელსაც დამანგრეველი შედეგი ექნება ჩემი ხალხისთვის; ეს არის გეოსტრატეგიული არჩევანი, რომელიც გლობალურ კონფლიქტებამდე მიგვიყვანს”, _ განაცხადა მარინ ლე პენმა.