გერმანიის ქალაქ მაგდებურგში დანით შეიარაღებული უცნობი მამაკაცი ქუჩაში გამვლელებს დაესხა თავს და მძიმედ დაჭრა 64 წლის ქალბატონი, რომელიც საავადმყოფოში მოათავსეს. თვითმხილველთა თქმით, მამაკაცმა კიდევ ორი ადამიანი დაჭრა.
შეგახსენებთ:
*1 აგვისტოს ბელგიაში ლტოლვილმა დანით დაჭრა კათოლიკე მღვდელმსახური, რომელმაც ის თავის აბაზანაში შხაპის მისაღებად შეუშვა. ბოროტმოქმედს სამართალდამცველები ეძებენ.
*4 აგვისტოს 19 წლის მამაკაცი ლონდონის ცენტრში დაესხა თავს ადამიანებს და ერთი ქალი მოკლა, 4 კი _ დაჭრა. დამნაშავე დაკავებულია.
*6 აგვისტოს ალჟირელი მამაკაცი ბელგიის ქალაქ შარლერუას პოლიციის სამმართველოში შევარდა ყვირილით: `ალაჰ აკბარ!~ და მაჩეტეთი ორი პოლიციელი ქალი დაჭრა. თვითონ ბოროტმოქმედი კი ერთ-ერთმა პოლიციელმა მოკლა.
*22 ივლისს მიუნხენის სავაჭრო ცენტრ `ოლიმპში~ ირანული წარმოშობის გერმანიის მოქალაქემ, 18 წლის მამაკაცმა, სროლა ატეხა. დაიღუპა 9 ადამიანი, დაიჭრა _ 35. ბოროტმოქმედმა თავი მოიკლა.
*18 ივლისს ბავარიის (გერმანია) ქალაქ ვიურცბურგთან ნაჯახით შეიარაღებული მამაკაცი თავს დაესხა მატარებლის მგზავრებს და რამდენიმე მძიმედ დაჭრა.
*14 ივლისს ნიცაში (საფრანგეთი), ინგლისის სანაპიროზე, ბასტილიის აღების დღის აღსანიშნავად მოწყობილი ფოიერვერკის საყურებლად შეკრებილ ხალხში ტუნისური წარმოშობის საფრანგეთის მოქალაქე სატვირთო ავტომობილით შევარდა. დაიღუპა 84 ადამიანი, დაშავდა 300-ზე მეტი.
