უღმერთო დემოკრატიის შუქურა, ანუ თქვენი ხლისტი დედა ვატირე, თქვენი!

რუსეთის საკონსტიტუციო სასამართლომ ნება დართო რუსეთის დუმას, ყურადღება არ მიაქციოს სტრასბურგის ადამიანის უფლებათა ევროპის სასამართლოს იმ დადგენილებებს, რომლებიც ეწინააღმდეგება რუსეთის ფედერაციის კონსტიტუციას. დეპუტატებს განზრახული აქვთ, შექმნან მსგავსი ვერდიქტების უარმყოფელი მექანიზმი. მათი აზრით, ეს მექანიზმი ამოქმედდება ხოდარკოვსკისთან დაკავშირებული ე.წ. იუკოსის საქმის, აგრეთვე, გეებისა და პატიმართა უფლებების მიმართ.

“ვერანაირი კონვენციები, ვერც სტრასბურგის სასამართლოს პოზიცია ვერ გააუქმებს მათზე კონსტიტუციის პრიორიტეტულობას”, _ მიუთითეს რუსეთის საკონსტიტუციო სასამართლოს მოსამართლეებმა.

და იქვე:

“თუ ევროპის ადამიანის უფლებათა სასამართლოს გადაწყვეტილება ეწინააღმდეგება ქვეყნის ძირითად კანონს, მაშინ რუსეთის უფლებაა, რომ იგი არ შეასრულოს”, _ ნათქვამია რუსეთის საკონსტიტუციო სასამართლოს 19 აპრილის განჩინებაში.

“ველური რუსეთის” ასეთი თავხედობის გამო შეშფოთება-აღშფოთება ხეირიანად დამთავრებულიც არ ჰქონდათ “დემოკრატიული” აშშ-ევროპის სამთავრობო თუ არასამთავრობო ნეოტროცკისტ ხლისტებს, რომ “ტოტალიტარული” რუსეთი კიდევ უფრო “გათავხედდა”:

რუსეთის ახალ ომბუდსმენად დაინიშნა იურიდიულ და ფილოსოფიურ მეცნიერებათა დოქტორი, პროფესორი, იუსტიციის გენერალი ტატიანა მოსკალკოვა, რომელმაც პირველივე განცხადებით აღშფოთება-შეშფოთების ახალი მიზეზი მისცა დასავლელ ნეოლიბერალებს _ “დასავლეთი ე.წ. ადამიანის უფლებებს შანტაჟის იარაღად იყენებს და დროა, ამას შევეწინააღმდეგოთ”…

და იქვე: “ჩემი ქმედებების საგარეო პრიორიტეტი იქნება ეთნიკური რუსების უფლებების დაცვა ბალტიის სახალმწიფოებსა და უკრაინაში, ხოლო შინ მიგრანტთა პრობლემებსა და ხელფასის გაუცემლობაზე გავაკეთებ აქცენტებს”…

აი ასე _ არც ერთი სიტყვა დასავლეთის ნებიერა ლგბტ-პედერასტებისა თუ რელიგიური სექტების უფლებების დაცვაზე(?!).

აქ ნოდარ დუმბაძის ერთი რომანის პერსონაჟის _ სკოლის დირექტორის რეპლიკა მახსენდება: “როგორია ვითარება კაპიტალისტურ ქვეყნებში? _ რა თქმა უნდა, პირიქით!”

და მართლაც, რას ჰგავს “დემოკრატიულ–კაპიტალისტური” საქართველოს ომბუდსმენის საქციელი? _ მისი ზრუნვის საგანი, პედერასტებით დაწყებული და იეღოვას სექტით დამთავრებული, ყველა და ყველაფერი რომ არის, ქართული, ეროვნული ინტერესების გარდა, ვინმეს უკვირს?..

ჯერ _ თხა თხაზე ნაკლებიო და, “ქართული ოცნების” გაზულუქებული მაღალჩინოსნების მსგავსად, სახალხო დამცველმაც 100-ათასიან ჯიპში ჩადო მურდალი უკანალი, შემდეგ კი ისეთი წლიური ანგარიში გაუმზადა პარლამენტს, რომ მსგავს თავხედობას, აშკარა მკრეხელობას ვერც ერთი ყოფილი სახალხო დამცველი ვერ გაბედავდა…

როგორც ბოროტი ენები ამბობენ, თვითონ ბაპტისტი ბრძანდება ჩვენი ტანკენარ-პირმშვენიერი ომბუდსმენი და, სხვა ეშმაკეულ სექტებსა და ლგბტ-პედერასტებს რომ გადაეფარებოდა, აბა, რა გასაკვირია?! მაგრამ გაგონილა, რომ რელიგიურ დისკრიმინაციად, შეურაცხყოფად მონათლო ქართული საჯარო სკოლის მოსწავლეების ექსკურსიაზე წაყვანა სვეტიცხოველში, ვარძიაში, ბეთანიაში და ა.შ. ერთი სიტყვით, იქ, სადაც თავის დროზე დავყავდით ჩვენს მასწავლებლებს?

თურმე რელიგიური გრძნობების შეურაცხყოფა ყოფილა, თუ მარიამის წილხვედრ საქართველოში მართლმადიდებლობის ისტორიულად განსაკუთრებულ როლსა და მნიშვნელობაზე ესაუბრება მასწავლებელი მოსწავლეებს, _ ხომ შეიძლება, კლასში სხვა აღმსარებლობის ბავშვებიც იყვნენ და სვეტიცხოველში წასვლა თუ მართლმადიდებლობაზე საუბარი მათი შეურაცხყოფა იქნებაო (?).

ასე თვით ჩემი დროის “უღმერთო” კომუნისტებიც კი არ აზროვნებდნენ და მით უმეტეს, ვერ გამიგია, რას როშავს ეს “ქვაზე დახატული ეშმაკის” (ბატონი რეზო ამაშუკელის მიხედვით) მსგავსი არსება?!

მით უმეტეს, რომ მართლმადიდებელი ეკლესიის განსაკუთრებული სტატუსი, კონკორდატის სახით, კონსტიტუციით არის გარანტირებული, მაგრამ…

საქართველო ხომ “დიქტატორული” რუსეთი არ არის, ის ხომ ნეოლიბერალური, ანუ უღმერთო დემოკრატიის შუქურაა კავკასიაში.

ჰოდა, როგორც დიდი დოსტოევსკი ბრძანებდა, თუ ღმერთი არ არსებობს, ყველაფერი შეიძლება!.. მათ შორის ყოველივე ზემოთქმულიც და ისიც, რასაც ქვევით ვიტყვი:

ცანცარა ზაზა ბურჭულაძეები საქართველოს კათოლიკოს–პატრიარქს უკანასკნელი სიტყვებით რომ ლანძღავენ, აფთარ–ტურების ნაცვლად, მის გამომწყვდევას რომ ითხოვენ ზოოპარკის ვოლიერებში; ერეკლე დეისაძეები დედაეკლესიას რომ გვიგინებენ _ ეს მხოლოდ უწყინარი ე.წ. გამოხატვის თავისუფლებაა, ხოლო პატრიარქისა და ეკლესიის დასაცავად ხმის ამოღება, ანტიდისკრიმინაციული კანონის ძალით, რელიგიური გრძნობების შეურაცხყოფა?

მე თქვენი ხლისტი დედა ვატირე, თქვენი!

უკაცრავად მკითხველთან, მაგრამ რა ვქნა, მეც მაქვს ნერვები, უფრო ზუსტად, აღარ მაქვს ამ ხლისტების ბოგინის შემყურეს.

ზემოთ _ ვერ გამიგია-მეთქი, მაგრამ, სამწუხაროდ, რთული გასაგები არ არის საქართველოს სახალხო დამცველის ქმედებების მოტივაცია _ მსოფლიოს მმართველ ნეოლიბერალთა დავალებას ასრულებს ჩვენი ომბუდსმენი და, თუ დროზე არ მივუჩინეთ ადგილი, უფრო სწორად, როგორც ბატონმა ელიზბარ ჯაველიძემ ბრძანა, თუ არ გავაძევეთ საქართველოდან ისიც და სრულიად ლიბერასტთა კრებულიც, მალე ჯვრების ტარებას აუკრძალავენ ჩვენს შვილებს, ემანდ მისი კლასელი ვინმე იეღოველი არ შეურაცხვყოთ; შემდეგ, როგორც ამას ნაწილობრივ მიაღწიეს დასავლეთში, უასაკო ყრმათა მონათვლასაც აგვიკრძალავენ და ა.შ. და ეს ყველაფერი ჩვენი ამომგდები ანტიდისკრიმინაციული კანონის ძალით მოხდება!

ჩვენი ომბუდსმენის ეს მრავალგვერდიანი ანგარიში უკვე გაგზავნილია პარლამენტში და, როგორ გგონიათ, ზემორე დასმული კითხვები თუ ემოციები გაუჩნდება “მეოცნებე” დეპუტატთა უმრავლესობას?

ეს ხომ ის პარლამენტია, რომელმაც დიმიტრი ლორთქიფანიძის მხარდამჭერი 70 ათასზე მეტი ხელმოწერა თავზე გადაგვახია ქართველ საზოგადოებას და მრავალშვილიანი, მართლმადიდებელი ქართველის ნაცვლად ეს ბაპტისტი სექტანტი დაგვასვა თავზე.

ეს ხომ ის მეოცნებე პარლამენტია, რომელსაც დღეს გაახსენდა, რომ ოჯახი ქალისა და კაცის ერთობა ყოფილა და, ყოველმხრივ გაკოტრებულმა, ახლა, წინასაარჩევნოდ, პოპულისტურად აიფარა კონსტიტუციაში ტრადიციული ოჯახის განსაზღვრების ჩაწერა.

ეს ხომ ის პარლამენტია, რომელმაც ერთხმად დაამტკიცა ანტიდისკრიმინაციული კანონი? კანონი, რომლის გამოც ხდება ყველა უბედურება (მათ შორის, ომბუდსმენის წლიური ანგარიშიც) საქართველოში დღეს და მოხდება ხვალაც!

ამიტომ ქართველი საზოგადოება არ უნდა წამოვეგოთ ამ სატყუარას და, კონსტიტუციაში ოჯახის ინსტიტუტის განსაზღვრების ჩაწერასთან ერთად, საქართველოს დამღუპველი (ასე უწოდა მას ჩვენმა პატრიარქმა) ანტიდისკრიმინაციული კანონის გაუქმებაც უნდა მოვითხოვოთ ამ თუ მომავალი პარლამენტისგან.

და ყველაზე მთავარი:

უნდა დავამსხვრიოთ სტერეოტიპი რუსეთისგან მტრის ხატის შექმნისა, რადგანაც საკითხავია, რა უფრო დიდი მტრობაა: ქვეყნის 22% ტერიტორიის დროებითი ოკუპაცია თუ ნეოლიბერალური იდეოლოგიის მიერ ქართული სულიერების 100%-ით სამუდამო ოკუპაცია?

თუნდაც ვინმე არ მეთანხმებოდეს და რუსეთში მხოლოდ მტერს ხედავდეს, მივბაძოთ ამ მტერს და მის მსგავსად კანონმდებლობით ავკრძალოთ არასრულწლოვნებში გეიპროპაგანდა, რაც იმის გარანტია იქნება, რომ საქართველოში არც 17 და არც 37 მაისს, არასოდეს გაიმართება გეიაღლუმები, ხოლო ჩვენს შვილებს სკოლებში არ ასწავლიან “მე და საზოგადოების” მსგავს, სულისწამწყმედ საგნებს!

რუსეთის მსგავსად, საქართველოს საკონსტიტუციო სასამართლომაც უნდა გამოიტანოს გადაწყვეტილება, რომ ყველა კონვენციასა თუ ევროპის ადამიანის უფლებების სასამართლოს ვერდიქტებზე მაღლა დგას საქართველოს კონსტიტუცია.

აქედან გამომდინარე, საქართველოს ომბუდსმენმაც (იმედია, რომ გვეღირსება ეროვნული ცნობიერების სახალხო დამცველი), რუსი კოლეგის მსგავსად, ქვეყნის გარეთ, პირველ რიგში იმ ქართველების, გნებავთ, თეთრი ზანგების უფლებები უნდა დაიცვას, რომლებიც მონურ შრომას ეწევიან ჩვენს “ისტორიულ მეგობარ” თურქეთში, შედარებით შორეულ ევროპასა თუ ძალიან შორს, ოკეანის გაღმა მდებარე “სტრატეგიულ მოკავშირე” ამერიკაში.

ხოლო ქვეყნის შიგნით იმ ქართველთა უფლებები უნდა დაიცვას, რომლებსაც სცივათ, შიათ და სწყურიათ…

დავით მხეიძე