ბრალდებულები აფასოებდნენ არაიოდიზებულ მარილს და ბაზარში ასაღებდნენ, როგორც იოდიზებულს.
საქართველოს ფინანსთა სამინისტროს საგამოძიებო სამსახურმა საკვები პროდუქტის ფალსიფიკაციის გამო სამი პირი სისხლის სამართლის პასუხისგებაში მისცა. გამოძიებით დაადგენილია, რომ მეწარმეები _ თეიმურაზ თავაძე, გიორგი ნადირაძე და ზვიად ხუბულური, რეგულარულად ეწეოდნენ ფალსიფიცირებული მარილის რეალიზაციას. კერძოდ, აფასოებდნენ არაიოდიზებულ მარილს და საცალო ბაზარზე ასაღებდნენ, როგორც იოდიზებულს. სამივე მოქალაქეს ბრალი წარედგინა საქართველოს სისხლის სამართლის კოდექსის 197-ე მუხლის პირველი ნაწილით გათვალისწინებული დანაშაულით, რაც სასჯელის სახით 1-დან 3 წლამდე თავისუფლების აღკვეთას ითვალისწინებს.
