“გეთანხმებით, რომ ძალიან გაჭიანურდა ქონებრივი სამართლიანობის აღდგენა. ეს ვალდებულება ჰქონდა ჩვენს გუნდს, როდესაც მოვედით და მეც ჩემი პერემიერობის პერიოდში ხშირად მეკითხებოდნენ და ვაძლევდი დაპირებას, რომ ვემზადებით, ეს იქნება”, _ განაცხადა ბიძინა ივანიშვილმა ტელეკომპანია “იმედის”ეთერში. მისივე თქმით, ქონებერვი სამართლიანობის აღდგენა თებერვლიდან დაიწყება.
“თებერვლიდან ეს პროცესი დაიწყება. ეს არ არის მარტივი პროცესი. მე მესმის საზოგადოების კარგად, ძალიან დაგვიანდა. მაგრამ ეს არ დაგვიანებულა ვიღაცის სუბიექტური მიზეზების გამო ან ვიღაცას მიავიწყდა, ან ვიღაცას არ სურდა. ამისთვის ფინანსები იყო მოსაძიებელი, შესაბამისი სტრუქტურები იყო შესაქმნელი და ა.შ. თუმცა ეს პროცესი შეჩერებული არ იყო. აი ვნახოთ, თებერვალში დაიწყება. ამას სჭირდება შესაბამისი თანხები. როგორც ვიცი 1 მილიარდზეა საუბარი”, _ აღნიშნა ივანიშვილმა.
