9 ოქტომბერს ტელეკომპანია CBS–ისთვის მიცემულ ინტერვიუში აშშ–ის პრეზიდენტ ბარაკ ობამას ვიქტორ იანუკოვიჩი ვიქტორ იუშჩენკოში აერია.
ბარაკ ობამამ სატელევიზიო ეთერში განაცხადა, რომ, როდესაც პრეზიდენტი გახდა, უკრაინას ხელმძღვანელობდა “კორუფცირებული ლიდერი”, “მოსკოვის ყოფილი მარიონეტი”.
აშშ-ის პრეზიდენტს სურდა, ეთქვა, რომ კორუფცირებული და მოსკოვის მარიონეტი ვიქტორ იანუკოვიჩი იყო, მაგრამ, სინამდვილეში, როცა ობამა პრეზიდენტის სავარძელში ჩაჯდა, უკრაინის სახელმწიფოს პირველი პირი ვიქტორ იუშჩენკო გახლდათ.
