სამხრეთ კაროლინის საშუალო სკოლის მასწავლებელი ქალი მას შემდეგ დააპატიმრეს, რაც გამჟღავნდა, რომ იძალადა ორ 18 წლის მოსწავლეზე, აგრეთვე, იმის გამო, რომ სამი არასრულწლოვანი დაათრო.
მან დანაშაული ჩაიდინა საღამოს წვეულებაზე, რომელიც კერძო სახლში გაიმართა.
სამხრეთ კაროლინის კანონმდებლობით, საშუალო სკოლის მასწავლებლებს ეკრძალებათ თავიანთ მოსწავლეებთან სექსუალური კავშირის დამყარება იმ შემთხვევაშიც კი, თუ ისინი სრულწლოვნები არიან. ინგლისური ენის მასწავლებელი ბრიტნი უეტცელი ქალაქიდან გასვლის აკრძალვის პირობით გათავისუფლებულია. ამავე პირობით გაათავისუფლეს სკოლის მეორე თანამშრომელი, ასისტენტი, 23 წლის აკინა ენდრიუსიც, რომელიც განსასჯელის სკამზე იმის გამო აღმოჩნდა, რომ ალკოჰოლურ სასმელს ავრცელებდა არასრულწლოვანთა შორის.
