სირიის სამთავრობო ძალებმა იდლიბის პროვინციაში „ჯებჰათ ან-ნუსრას“ ალყაშემორტყმული ტერორისტების წინააღმდეგ ოპერაცია დაიწყო.
ამის შესახებ რუსეთის თავდაცვის სამინისტროში განაცხადეს.
ალყაშემორტყმული ტერორისტების რაოდენობა 1500-ს აჭარბებს. აღსანიშნავია, რომ მათ შეიარაღებაშია ტანკები, ქვეითთა საბრძოლო მანქანები, საველე არტილერია და ნაღმტყორცნები.
გასული დღე-ღამის განმავლობაში სირიულმა ჯარებმა ტერორისტებისგან 24 დასახლებული პუნქტი გაათავისუფლეს.
