დღეს დილით ჩინეთის პროვინცია შანდუნში, ქიმიურ ქარხანაში აფეთქება მოხდა. წინასწარი მონაცემებით, დაიღუპა ერთი ადამიანი, ერთიც უგზო-უკვლოდ დაკარგულად არის მიჩნეული. ინფორმაციას Xinhuanet-ი ავრცელებს.
ადგილობრივი ხელისუფლების ცნობით, აფეთქება ტექმომსახურების სამუშაოების ჩატარების დროს მოხდა.
ყველა დაშავებული, რომელთა შორის ორის ჯანმრთელობის მდგომარეობა მძიმეა, საავადმყოფოში გადაიყვანეს.
აფეთქების მიზეზი ჯერ ცნობილი არ არის. მიმდინარეობს გამოძიება.