22 ოქტომბერს თბილისში მუშაობა დაიწყო “აბრეშუმის გზის ფორუმმა”, რომელიც საქართველოს პრემიერმინისტრ გიორგი გახარიას პატრონაჟით ტარდება და რომელსაც 60-ზე მეტი ქვეყნის 2000 წარმომადგენელი ესწრება.
ფორუმის პარალელურად ჩინეთიდან ევროპაში მიდის პირველი მატარებელი მარშრუტით ბაქო-თბილისი-ყარსი.
მატარებელს ჩინეთის ქალაქ სიანიდან სარკინიგზო მაგისტრალის _ ბაქო-თბილისი-ყარსის გავლით პრაღაში მიაქვს საყოფაცხოვრებო ტექნიკით დატვირთული 42 კონტეინერი. ყარსის მონაკვეთის გავლით ჩინეთიდან ტრანსკასპიური საერთაშორისო მარშრუტით წამოსული მატარებელი პირველია, რომელიც ბაქო-თბილისი-ყარსის მარშრუტის გავლით (შემდეგ კი თურქეთის მარმარილოს ზღვის გვირაბით) ჩავა ევროპაში.
ახალი სარკინიგზო მარშრუტის შუალედური სადგური იქნება სტამბოლი, ამ მოვლენასტან დაკავშირებით 5 ნოემბერს იქ გაიმართება საზეიმო შეხვედრა.