სამართალდამცველებმა არასრულწლოვანი შვილების თანდასწრებით ოჯახში ძალადობის ბრალდებით, რუსთავში ერთი პირი დააკავეს.
“გამოძიებამ დაადგინა, რომ არაფხიზელ მდგომარეობაში მყოფმა 38 წლის ბრალდებულმა, არასრულწლოვანი შვილების თანდასწრებით, ფიზიკური შეურაცხყოფა მიაყენა მეუღლესა და სიდედრს. დაზარალებულმა მომხდარის შესახებ პოლიციას შეატყობინა. როგორც გაირკვა, მამაკაცმა ანალოგიური ქმედება წარსულშიც არაერთხელ ჩაიდინა.
გამოძიება მიმდინარეობს სსკ-ის 126-ე პრიმა მუხლის მეორე ნაწილით, რაც გულისხმობს არასრულწლოვნის თანდასწრებით, ორი ან მეტი პირის მიმართ ოჯახში ძალადობას, რაც ითვალისწინებს ერთიდან სამ წლამდე ვადით თავისუფლების აღკვეთას”,-ნათქვამია უწყების მიერ გავრცელებულ განცხადებაში.
